09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ցանկացած մեկը կարող էր չարաշահումների մասին բարձրաձայնել, բացի Հանրապետականից․ Արամ Սարգսյան
Քաղաքականություն
09.12.2018 | 14:47
ՄԵՆՔ դաշինքի առաջնորդ Արամ Սարգսյանը ընտրատեղամաս էր ներկայացել «շատ լավ» տրամադրությամբ․ «Գիտե՞ք ինչքան եմ երազել այս ընտրությունների մասին, որ մեր ժողովուրդն առանց խախտումների, առանց փող վերցնելու և առանց ճնշումների իր կամքով գա ընտրության ու քվեարկի։ Իմ կյանքի 18 տարիները նվիրել եմ դրան։ Միշտ գերկարևոր եմ համարել արդար ընտրությունները»։
Նիկոլ Փաշինյանի նախկին դաշնակիցը քվեարկել է հանուն այսօրվա և ապագայի։ Դրական է գնահատում քարոզարշավի ներկա ընթացքը:
«Իմ մասնակցած քարոզարշավներից լավագույն քարոզարշավն էր՝ քարոզիչների հավասարության և հնարավորությունների առումով։ Միակ թերությունը, որից անընդհատ բողոքել եմ, կարճ ժամանակն էր։ Միգուցե դա մեզ համար նշանակություն ուներ, որովհետև ՄԵՆՔ դաշինքը նոր էր ձևավորված։ Բայց կարծում եմ, որ նրանք, որոնք հանրությանը նոր էին հայտնի, նրանց համար էլ խոչընդոտ չէր»,- ասում է Արամ Սարգսյանը։
ՄԵՆՔ դաշինքի առաջնորդը քմծիծաղով արձագանքեց հարցին՝ որքանով են օբյեկտիվ ՀՀԿ ներկայացուցիչների հայտարարությունները հնարավոր չարաշահումներ մասին․ «Ցանկացած մեկը կարող էր դա բարձրաձայնել, բացի Հանրապետականից»։
