11.08.2026 | 16:59
Ատրճանակներ, դանակներ, կռփազենք և թմրանյութ․ ՆԳՆ ոստիկանությունը ուժեղացված ծառայությունն է իրականացրել
Քարոզարշավի ընթացքում 81 իրավախախտում է գրանցվել. Աշոտ Սարգսյան. ՏԵՍԱՆՅՈՒԹ
Հասարակություն
09.12.2018 | 14:29
ՀՀ ոստիկանության շտաբի պետի տեղակալ, տեսչական վարչության պետ, ոստիկանության գնդապետ Աշոտ Սարգսյանը ԿԸՀ տեղեկատվական կենտրոնում խոսել է արտահերթ խորհրդարանական ընտրությունների բնականոն ընթացքն ապահովելու մասին։
«ՀՀ ոստիկանությունը նախաձեռնել է մի շարք նախապատրաստական ու կազմակերպչական միջոցառումներ․ մասնավորապես՝ ոստիականության պետի հրամանով ստեղծվել է օպերատիվ շտաբ, ձևավորվել են աշխատանքային խմբեր՝ տեղեկատվության հավաքագրման, ամփոփման ու հետաքննական»,- նշել է Աշոտ Սարգսյանը։
Առանձին ենթախումբ է ստեղծվել օտարերկրյա դիտորդների հետ աշխատելու համար, որտեղ ընդգրկված են օտար լեզվի իմացությամբ ոստիկանության ծառայողներ։
2018 թվականի դեկտեմբերի 8-10-ը ՀՀ ոստիակնությունում գործելու է շուրջօրյա թեժ գծի ծառայությունը, որտեղ ընտրությունների ընթացքում ստացվող ահազանգերի մասին տեղեկատվությունն անհապաղ փոխանցվելու է օպերատիվ շտաբին։ ՀՀ գլխավոր դատախազությունում ևս հատուկ աշխատանքային խումբ է ստեղծվել։
Ընտրական իրավախախտումների հաշվառումը երեք փուլով է իրականացվելու․ քարոզարշավի ընթացքում, ընտրությունների օրը և հետընտրական ժամանակահատվածում արձանագրված իրավախախտումներ։
Արդեն արձանագրվել և ընթացք են ստացել քաղաքացիների, կուսակցությունների ու դաշինքների, ինչպես նաև ԶԼՄ-ների կողմից արձանագրված մի քանի տասնյակ խախտումներ։ Միայն քարոզարշավի ընթացքում դրանց թիվն 81-ի է հասել․ 25-ը՝ Երևանում, 56-ը՝ մարզերում։ Խախտումներից 26-ն առերևույթ հանցագործության հատկանիշներ պարունակող են եղել, իսկ 55-ը՝ ստուգման ենթակա այլ տեղեկություններ։
