29.09.2026 | 15:46
Տիչինայի փողոցում կռունկ է շրջվել․ կան զոհեր․ ՈՒՂԻՂ
Իրանի պատգամավորները քննարկում են Միջուկային զենքի չտարածման պայմանագրից դուրս գալու օրինագիծը
Քաղաքականություն
29.09.2026 | 15:18
Իրանի խորհրդարանը քննարկում է Միջուկային զենքի չտարածման պայմանագրից (NPT) դուրս գալու վերաբերյալ օրինագիծը: Այս մասին հայտնել է Իրանի խորհրդարանի նախագահի առաջին տեղակալ Ալի Նիկզադը։
Նրա խոսքով՝ պատգամավորները «չեն վստահում» ՄԱԿ-ի միջուկային վերահսկողության մարմնին՝ Ատոմային էներգիայի միջազգային գործակալությանը (ՄԱԳԱՏԷ), ինչպես նաև դրա գլխավոր տնօրեն Ռաֆայել Գրոսիին։ Նա գործակալության ղեկավարին մեղադրել է, իր բնորոշմամբ, մակերեսային ստուգումներ իրականացնելու և Իրանի վերաբերյալ բացասական զեկույցներ հրապարակելու մեջ։
Նիկզադը հավելել է, որ պատգամավորներն օրինագիծը կքննարկեն՝ հաշվի առնելով դրա «միջազգային հետևանքները»։
Իրանում NPT-ից դուրս գալու կոչերն ուժեղացել են ՄԱԳԱՏԷ-ի հետ հարաբերություններում վերսկսված տարաձայնությունների ֆոնին։ Անցյալ շաբաթ Իրանի ատոմային էներգիայի կազմակերպության խոսնակ Բեհրուզ Քամալվանդին նույնպես հայտարարել էր, որ Թեհրանը «չի վստահում» Գրոսիին՝ նրան մեղադրելով գործակալության աշխատանքը քաղաքականացնելու մեջ։
Թարգմանությունը՝ Էմմա Չոբանյանի
