25.09.2026 | 17:28
Էնթոնի Ջոշուայի ու Թայսոն Ֆյուրիի մենամարտի մրցանակային հիմնադրամը՝ 200 միլիոն դոլար
«Եդինայա Ռոսիա»-ն նոր Պետդումայում ստացել է 450 մանդատից 349-ը․ պատերազմի 46 մասնակիցներ կլինեն խորհրդարանում
Քաղաքականություն
25.09.2026 | 16:53
ՌԴ Կենտրոնական ընտրական հանձնաժողովի նախագահ Էլլա Պամֆիլովան ամփոփել է սեպտեմբերի 18-20-ը կայացած Պետական դումայի ընտրությունների արդյունքները։ Քվեարկության արդյունքներով՝ իշխող «Եդինայա Ռոսիա» կուսակցությունը ստացել է 450 մանդատից 349-ը։ Սա կուսակցության պատմության ընթացքում գրանցված առավելագույն արդյունքն է։ Կուսակցության նախորդ ռեկորդը գրանցվել էր 2016 թվականի ընտրություններում, երբ աստացել էր 343 տեղ։ 2021 թվականին «Եդինայա Ռոսիա»-ն ուներ 324 մանդատ։
Երկրորդ տեղում Կոմունիստական կուսակցությունն է՝ 37 մանդատով, այնուհետև Լիբերալ-դեմոկրատական կուսակցությունը՝ 23, «Նոր մարդիկ» կուսակցությունը՝ 19, «Արդար Ռուսաստան» կուսակցությունը՝ 17, իսկ «Ռոդինա» կուսակցությունը՝ մեկ մանդատով։
Բացի այդ, Պետդումայում կլինեն չորս ինքնառաջադրված պատգամավոր։
Պամֆիլովան նաև հայտնել է, որ Դումա են անցել պատերազմի 46 մասնակիցներ, որոնցից 41-ը՝ «Եդինայա Ռոսիա» կուսակցությունից։ Նրա խոսքով՝ զինվորականները եղել են «ամենաակտիվ և շահագրգիռ ընտրողները, որոնք հիանալի հասկանում են, թե ինչի համար են կռվում»։
Պետական դումայի ընտրություններին մասնակցությունը, ԿԸՀ-ի վերջին տվյալների համաձայն, կազմել է 59,8 տոկոս։ Քվեարկել է ավելի քան 67,4 միլիոն մարդ։
Միևնույն ժամանակ, ինչպես նշում են ընտրական վերլուծաբանները, արձանագրությունների մի մասը մինչ այժմ հրապարակված չէ, մասնավորապես, Լենինգրադի մարզից, ինչպես նաև Ուկրաինայի օկուպացված տարածքներից։
Թարգմանությունը՝ Էմմա Չոբանյանի
