13.10.2026 | 23:30
«Կազիմիր Պուլասկի» հիմնադրամի նախագահի հետ քննարկվել են փոխգործակցության հարցեր
ԱՄՆ-ը կհայտարարի TRIPP-ի հետ կապված հիմնադրամի մասին հատուկ միջոցառման ժամանակ
Քաղաքականություն
23.09.2026 | 11:24
Նյու Յորքում այսօր TRIPP նախագծի վերաբերյալ ԱՄՆ-ը միջոցառում է անցկացնելու։ Մասնավորապես, Վաշինգտոնը պատրաստվում է հայտարարել Անդրկասպյան ձեռնարկությունների հիմնադրամի (Trans-Caspian Enterprise Fund) ստեղծման մասին: Այս մասին X-ի իր միկրոբլոգում հայտնել է «Ազատություն» ռադիոկայանի Վաշինգտոնի թղթակից Ալեքս Ռաուֆօղլուն։
«ԱՄՆ-ը պատրաստվում է վաղը հայտարարել Անդրկասպյան ձեռնարկությունների հիմնադրամի (Trans-Caspian Enterprise Fund) ստեղծման մասին՝ TRIPP-ի ինստիտուցիոնալ զարգացման հաջորդ քայլի հետ մեկտեղ։ Միջոցառմանը, ինչպես սպասվում է, կմասնակցեն ավելի քան 40 ընկերությունների ներկայացուցիչներ, ինչպես նաև Հայաստանի, Ադրբեջանի և Կենտրոնական Ասիայի «C5» երկրների ներկայացուցիչները»,- գրել է Ռաուֆօղլուն։
Նշենք, որ Անդրկասպյան ձեռնարկատիրական հիմնադրամը պաշտոնական իրավաբանական անվանումն է այն հիմնադրամի, որն ավելի հայտնի է որպես TRIPP+։
Հավելենք, որ ՀՀ վարչապետ Նիկոլ Փաշինյանն ու ԱԳ նախարար Արարատ Միրզոյանը Նյու Յորքում մասնակցում են ՄԱԿ-ի Գլխավոր վեհաժողովի 81-րդ նստաշրջանի միջոցառումներին։
Թարգմանությունը՝ Էմմա Չոբանյանի
