Քաղաքականություն
18.09.2026 | 13:18Ազգային ժողովում «Քաղաքացիական պայմանագիր» խմբակցության պատգամավոր Արման Եղոյանը անդրադարձել է «Ուժեղ Հայաստան» խմբակցության դիրքորոշումներին, քաղաքական ինքնության հարցերին և պատմական իրադարձությունների զուգահեռներին:
Խորհրդարանում քննարկվում էր նաև «քաղաքական ռուս» և «քաղաքական թուրք» լինելու տարբերությունների և «առավելությունների» մասին։ Եղոյանը պնդեց, որ քաղաքական ռուսական ինքնությունը ֆունդամենտալ մակարդակում հակասություն չունի քաղաքական թուրքի ռազմավարական շահերի հետ։ Նա անդրադարձել է 19-րդ դարի իրադարձություններին և 1920-ական թվականներին ձևավորված եվրասիականության գաղափարախոսությանը՝ նշելով Դանիլևսկուն, Տրուբեցկոյին, Սավիցկուն ու Կարսավինին։
«Իրենք այդ գաղափարը առաջ բերեցին, որ կա եվրասիական ընդհանրություն, սլավոնական և թուրանական ժողովուրդների շահերը ֆունդամենտալ մակարդակում իրար շատ նման են…»,- ասաց նա:
Պատգամավորը քննադատեց ընդդիմադիր պատգամավորներին «քաղաքական հայի» մտքերը սեղմելու համար․ «Մեզ դնել այդ հարթաշուրթի մեջ, որի մի կողմը քաղաքական թուրքն է, մյուս կողմում քաղաքական ռուսն է, ու սեղմել… Սեղմում են քաղաքական հային, սեղմում, չեն թողնում, որ քաղաքական հայը միտքն ասի»։
Եզրափակելով խոսքը՝ Արման Եղոյանն ահազանգեց դաշնակցականության ազդեցության մասին․ «Իրանք սև խոռոչի իրադարձությունների հորիզոնի մոտ են… Եթե 4-5 ամիս էլ սենց գնաց, դաշնակցականության սև խոռոչը տանելու է մեր գործընկերներին»։
Մանրամասները՝ տեսանյութում։
Եվգենյա Համբարձումյան
