01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Գրավի գումարը ստանամ 1 միլիոնը կտամ, որ դատարանի աթոռները վերանորոգեք. Յուրի Խաչատուրով․ ՏԵՍԱՆՅՈՒԹ
Հասարակություն
18.09.2026 | 13:27
ՀԱՊԿ նախկին գխավոր քարտուղար Յուրի Խաչատուրովն այսօրվա դատական նիստին դատավորին պատմեց, թե ինչպես են իրենց 2018-ին հրավիրել ՀՔԾ ու ձերբակալել։
Խաչատուրովի խոսքով՝ ինքը Մոսկվայում է եղել, երբ քննիչ Հրաչյա Մուշեղյանը զանգահարել ու ասել է, որ որպես վկա անհրաժեշտություն կա ներկայանալու: Անմիջապես ինքնաթիռի տոմս է գնել ու եկել: Երբ գնացել էր ՀՔԾ, Հրաչյա Մուշեղյանը իրեն ժպիտով ու ջերմ էր դիմավորել, ապա իր համար անակնկալ կերպով հայտնել, որ նա մեղադրյալ է ներգրավվում գործում: Ապա ներկայացվել է իրեն կալանավորելու միջնորդություն:
Խաչատուրովի ընկալմամբ՝ իրեն ենթադրաբար չեն կալանավորել այն պատճառով, որ չեն ցանկացել Մոսկվայի հետ կտրուկ փչացնել հարաբերությունները, որից հետո իրեն ազատել են 5 միլիոն դրամ գրավի դիմաց:
Խաչատուրովը հայտնեց որ մինչև այժմ գրավի գումարը իրեն չեն վերադարձրել՝ թեև այն ենթակա էր վերադարձման ու կես կատակ-կես լուրջ դատարանին դիմելով՝ ասաց. «Գրավի գումարը ստանամ, 1 միլիոնը կտամ, որ դատարանի աթոռները վերանորոգեք»:
Մանրամասները՝ տեսանյութում։
Արաքս Մամուլյան
