04.11.2026 | 21:59
Ալեք Մանուկյան փողոցում երթևեկության կազմակերպման փոփոխություն կկատարվի
Ալիևը հայտարարել է՝ «եթե ՄԱԿ-ը նորմալ գործեր, ստիպված չէինք լինի ուժով նվաճել մեր տարածքները»
Քաղաքականություն
17.09.2026 | 20:33
Ադրբեջանի նախագահ Իլհամ Ալիևը սեպտեմբերի 17-ին Թյուրքական պետությունների կազմակերպության անդամ երկրների անվտանգության հարցերով բարձրաստիճան պաշտոնյաների ընդունելության ժամանակ խոսել է միջազգային իրավունքի խախտման հարցերի մասին։
«Ադրբեջանը 30 տարի շարունակ բախվել է դրան։ Մենք ստիպված եղանք մարտի դաշտում վերականգնել մեր իրավունքը։ Սակայն եթե միջազգային մեխանիզմներն աշխատեին, և եթե ՄԱԿ-ի համակարգը նորմալ գործեր, մենք ստիպված չէինք լինի ուժով նվաճել մեր տարածքները, այսքան զոհեր չէին լինի»,- հայտարարել է նա։
Ալիևը նաև ասել է, որ իրենց երկրների շուրջ պատերազմներ են ընթանում, և այդ պատերազմների ավարտը չի երևում։
«Պատերազմների աշխարհագրությունն ընդլայնվում է։ Պատերազմող կողմերի փոխադարձ թշնամանքն ավելի ու ավելի ընդգծված բնույթ է ստանում։ Այս ամենը կարող է հանգեցնել, և արդեն հանգեցնում է մեր երկրների շուրջ գտնվող հակամարտությունների աշխարհագրության ընդլայնման։ Այս համատեքստում, եթե խոսենք Ադրբեջանի մասին, ապա թե՛ հյուսիսում, թե՛ հարավում մեր հարևանները պատերազմող երկրներ են։ Եվ այս իրավիճակում տարածաշրջանային անվտանգությանն առնչվող հարցերը ձեռք են բերում չափազանց կարևոր նշանակություն»,- հայտարարել է Ադրբեջանի նախագահը։
Թարգմանությունը՝ Էմմա Չոբանյանի
