Քաղաքականություն
17.09.2026 | 16:28
Կրեմլը հետևում է «դժոխային պատժամիջոցների» մասին ամերիկյան օրինագծի ճակատագրին և նախազգուշացնում, որ դրա ընդունումը կբարդացնի Ուկրաինայում խաղաղ կարգավորման ջանքերը, գրում է Ինտերֆաքսը։
«Մենք, իհարկե, հետևում ենք այդ փաստաթղթին։ Դա վերաբերում է ոչ բարեկամական գործողություններին, և ԱՄՆ-ի կողմից որևէ լրացուցիչ պատժամիջոցների սահմանումը, անկասկած, կբարդացնի Ուկրաինայում խաղաղ կարգավորման որոնմանն ուղղված ջանքերը»,- լրագրողներին ասել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով ԱՄՆ Կոնգրեսի կողմից օրինագծի ընդունմանը։
Ավելի վաղ ԱՄՆ Ներկայացուցիչների պալատի անդամները հաստատել էին օրինագիծը, որը լիազորում է Սպիտակ տանը լրացուցիչ պատժամիջոցներ կիրառել Ռուսաստանի դեմ: Սենատի կողմից նախկինում հաստատված փաստաթուղթն այժմ կուղարկվի նախագահ Դոնալդ Թրամփին՝ ստորագրման համար։
Նախաձեռնության նպատակներից մեկը ՌԴ-ի դեմ արդեն ընդունված որոշ միջոցների համակարգումն է։ Օրինակ՝ փաստաթղթում ներկայացված է Ռուսաստանի ղեկավարությունում զբաղեցրած այն պաշտոնների ցանկը, որոնց դեմ պատժամիջոցները պետք է պարտադիր կիրառվեն։ Նման միջոցներ նախատեսված են նաև զինվորական հրամանատարների և ռուսական ռազմարդյունաբերական համալիրին աջակցություն ցուցաբերող օտարերկրյա քաղաքացիների նկատմամբ։
Թարգմանությունը՝ Էմմա Չոբանյանի
