17.09.2026 | 15:28
«Արևմուտքը բացահայտ միջամտում է Հայաստանի և Վրաստանի գործերին»․ Շոյգու
ՌԴ-ն Սև ծովում հարվածել է Տանզանիայի դրոշի ներքո նավարկող նավին․ նավապետը զոհվել է
Քաղաքականություն
17.09.2026 | 15:19
Սև ծովում նավի ուղղությամբ ռուսական հարվածի հետևանքով զոհվել է նավապետը, անձնակազմի երեք անդամներ վիրավորվել են։ Այս մասին հայտնում է Ուկրաինայի Վերականգնման, ենթակառուցվածքների և տրանսպորտի նախարարությունը։
Գերատեսչության տվյալներով՝ Տանզանիայի դրոշի ներքո նավարկող նավն ուղևորվում էր ուկրաինական նավահանգիստներից մեկը։ Նավի վիճակի վերաբերյալ տեղեկությունները ճշտվում են։
«Ռուսաստանը համակարգված կերպով հարվածներ է հասցնում ուկրաինական նավահանգիստներին, նավահանգստային ենթակառուցվածքներին և քաղաքացիական առևտրային նավերին՝ վտանգ ստեղծելով մարդկանց ու Սև ծովում միջազգային նավագնացության համար։ Ակնկալում ենք միջազգային հանրության պատշաճ արձագանքը և հետագա համակարգված գործողություններ՝ քաղաքացիական նավագնացության պաշտպանության և միջազգային լոգիստիկ երթուղիների անվտանգության ամրապնդման ուղղությամբ»,- ասվում է նախարարության մամուլի հաղորդագրության մեջ։
Ռուսաստանի Պաշտպանության նախարարությունը չի մեկնաբանել այս հաղորդագրությունը։ Առավոտյան նախարարությունը հայտարարել էր, որ Օդեսայի մարզում՝ Չեռնոմորսկի նավահանգստում, ռուս զինվորականները հարված են հասցրել բեռնատար նավի, որը, ըստ գերատեսչության, նավահանգիստ էր տեղափոխում «Ուկրաինայի զինված ուժերի համար նախատեսված բեռներ»։
Թարգմանությունը՝ Էմմա Չոբանյանի
