04.09.2026 | 17:17
Կարեն Խաչանովը մեկնաբանել է US Open-ում սենսացիոն հաղթանակը
Գաղափարների՞, թե՞ անձերի պայքար․ քաղաքագետները՝ քարոզարշավի ընթացքի մասին․ ՏԵՍԱՆՅՈՒԹ
Քաղաքականություն
07.12.2018 | 13:24
Քաղաքագետ Արմեն Բաղդասարյանի համար իդեալական կլիներ, եթե մենք այս ընտրությունների քարոզարշավի ընթացքում տեսնեինք քաղաքական ուժերի գաղափարական պայքար, ոչ թե անձերի։
«Մեզանում, չգիտես ինչու, ծրագրերի միջև պայքարը չի ստացվում, եթե մենք կարդանք 11 ուժերի ծրագրերը՝ առանց կարդալու քաղաքական ուժերի անունները, չենք կարող դրանցում տարբերություններ գտնել։ Բոլոր ծրագրերը նույնն են․ մարդիկ ոչ թե չեն կարդում, այլ չեն հավատում։ Հույս ունեմ, որ հաջորդ ընտրության ժամանակ քաղաքական ուժերը կմրցակցեն իսկապես իրենց ծրագրերով և հետո մեծ խնդիր կառաջանա, եթե այդ ծրագրերից մեկը չկատարեն»,- այսօր հրավիրված քննարկման ժամանակ տեսակետ հայտնեց քաղաքագետը։
Քննարկման մասնակից Հակոբ Բադալյանի խոսքով էլ գլխավոր ծրագիրն այս ընտրություններում այն էր, որ պետք է իրականացվեր ամբողջական հեղափոխություն՝ ավարտին հասցնելու այն, ինչ սկսել էին ապրիլ-մայիս ամիսներին։
«Ցանկացած երկրում էլ ամբողջական ծրագրերը մարդկանց չեն հետաքրքրում, մարդիկ ընտրում են մեկ-երկու կարևոր կետ և անձանց»,- ասաց Բադալյանը։
Անդրադառնալով քաղաքական դաշտի ձևավորմանը՝ քաղաքագետը նշեց, որ մենք պետք է ունենանք նորմալ լրատվական դաշտ, հասարակությունն էլ պետք է ձևավորի նոր միջավայրեր, որոնք կձևավորեն նոր որակներ և այս ամենն էլ ամբողջությամբ կկազմի քաղաքական համակարգ։
Մանրամասները՝ տեսանյութում։
