18.10.2026 | 20:17
«Մեր նպատակը նոր խոստումներ տալը չէ, այլ ստանձնած պարտավորությունները կատարելը»․ Մաթևոսյան․ ՏԵՍԱՆՅՈւԹ
Երևանը հերքում է Բելառուսի նախագահի հայտարարությունը. ՀԱՊԿ գլխավոր քարտուղարի հարցով որոշում չկա
Քաղաքականություն
06.12.2018 | 19:52
Պաշտոնական Երևանը հերքում է Բելառուսի նախագահ Ալեքսանդր Լուկաշենկոյի հայտարարությունը, թե ՀԱՊԿ գլխավոր քարտուղարի պաշտոնը կստանձնի Բելառուսի ներկայացուցիչը:
«ՀԱՊԿ գլխավոր քարտուղարի նշանակման հարցը դեռ լուծված չէ: ՀԱՊԿ նիստ ընդհանրապես տեղի չի ունեցել: Հայաստանի դիրքորոշումն այս հարցում անփոփոխ է»,- «Sputnik Արմենիա»-ին ասել է ՀՀ վարչապետի պաշտոնակատարի մամլո խոսնակ Արման Եղոյանը:
Նշենք, որ պաշտոնական Երևանն ավելի վաղ հայտարարել էր, որ Կազմակերպության գլխավոր քարտուղարի պաշտոնը պետք է Հայաստանին մնա, և մենք դրա համար լավ կադրային ներուժ ունենք:
Մինչդեռ այսօր Ալեքսանդր Լուկաշենկոն Սանկտ Պետերբուրգում ԵՏՄ և ԱՊՀ գագաթնաժողովների շրջանակում լրագրողների հետ զրույցում հայտարարել է, որ ՀԱՊԿ նոր գլխավոր քարտուղար կնշանակվի Բելառուսի ներկայացուցիչը:
