08.09.2026 | 20:02
Անդրանիկ Թևանյանի խափանման միջոցը երկարացվել է 3, Արեգնազ Մանուկյանինը՝ 1 ամսով
Ռենուարի թանգարանից 9 մլն եվրոյի նկարներ են գողացել
Քաղաքականություն
08.09.2026 | 18:04
Երկու անհայտ անձինք Ֆրանսիայի հարավ-արևելքում գտնվող Կան-սյուր-Մեր քաղաքի Պիեռ Օգյուստ Ռենուարի թանգարանից չորս նկար են գողացել։ Ըստ քաղաքապետ Բրայան Մասոնի, երեքշաբթի օրը՝ տեղի ժամանակով ժամը 5:48-ին, ազդանշանման համակարգը գործարկվել է և ոստիկանությունը շենք է ժամանել հինգ րոպե անց, գրում է DW-ն։
Չնայած դրան հանցագործները հասցրել են կողոպտել թանգարանը, բայց ճանապարհին գցել են գողացված նկարներից մեկը։ TF1-ի տվյալներով՝ տեսախցիկների տեսագրություններում երևում է, թե ինչպես են անհայտ անձինք կտրում նկարները շրջանակներից։ Իշխանությունները դեռևս չեն պարզաբանել, թե արվեստի որ գործերն են գողացվել։ Նաև պարզ չէ՝ դրանք Ռենուարի՞ աշխատանքներն են, թե՞ այլ նկարիչների, սակայն վնասը գնահատվել է 9 միլիոն եվրո։
«Ռենուարի թանգարանի նկատմամբ ոտնձգությունը հարված է Կան-սյուր-Մերի պատմությանը և մշակութային ժառանգությանը»,- ասել է քաղաքապետը։
Ռենուարի թանգարանը բացվել է 1960 թվականին այն վիլլայում, որտեղ իմպրեսիոնիզմի խոշոր ներկայացուցիչներից մեկը՝ Օգյուստ Ռենուարը, անցկացրել է իր կյանքի վերջին տարիները։ Թանգարանի հավաքածուն ներառում է նաև ֆրանսիացի այլ նկարիչների, այդ թվում՝ Արիստիդ Մայոլի, Պիեռ Բոնարի և Ռաուլ Դյուֆիի աշխատանքները։
Թարգմանությունը՝ Էմմա Չոբանյանի
