04.10.2026 | 22:31
Եղիշե Մելիքյանը և Իգոչուկվու Իվուն՝ Չեռնոգորիայի հավաքականի դեմ խաղի մասին. ՏԵՍԱՆՅՈՒԹ
Տարածվող տեսանյութը հին է. Նարեկ Նալբանդյանը բերման է ենթարկվել մեկուկես տարի առաջ
Հասարակություն
07.09.2026 | 21:45
«Իշխանություն» լրատվականը քիչ առաջ տեսանյութ է հրապարակել և հայտնել, որ «իրավապահները ընթացքի ժամանակ կանգնեցնում են Նարեկ Նալբանդյանի մեքենան և նրան բերման ենթարկում»։
ՆԳՆ-ից Factor TV-ին հայտնեցին, որ տեսանյութը շուրջ մեկուկես տարի առաջ է նկարահանված: «Այդ պահին ՆԳՆ ոստիկանության ծառայողները մի քանի անձանց տեղափոխում են Ոստիկանություն՝ ուղեկցումով երթևեկելու համար»,- ասաց ՆԳՆ մամուլի քարտուղար Նարեկ Սարգսյանը:
Հավելենք, որ Նիկոլ Փաշինյանը նախորդ հինգշաբթի լրագրողների հետ ճեպազրույցում ասել էր, որ գործարար Նարեկ Նալբանդյանը նյարդայնացնում է իրեն ու իր ընտանիքին:
«Ես հանձնարարել եմ, որ համապատասխան իրավապահ մարմինները վարույթներ նախաձեռնեն։ Եվ եթե մենք ստանանք որևէ ապացույց, որ որևէ գործարար, այդ թվում՝ Նարեկ Նալբանդյանը, փորձում է տպավորություններ ստեղծել, թե ինքը մեր ընտանիքի հետ որևէ կապ ունի, ես հավաստիացնում եմ՝ մեր արձագանքը կլինի շատ դաժան, ավելի քան դաժան, քան սովորական ձևերով»,- ասել էր վարչապետը։
Հայտարարությունից ժամեր անց հայտնի դարձավ, որ «88» սուպերմարկետների ցանցի գործունեության վերաբերյալ հարուցվել է քրեական վարույթ։ Թե ինչ հոդվածով՝ Գլխավոր դատախազությունից չէին մանրամասնել:
Արփի Հակոբյան
