29.06.2026 | 15:20
«Թրամփի ուղին» միայն կշահեր Ռուսաստանի մասնակցությունից․ ՌԴ ԱԳ փոխնախարար
Նոր քրգործ չի հարուցվի. գաղտնալսված նոր ձայնագրությունը քննության առարկա կդառնա արդեն իսկ հարուցված քրգործի շրջանակում
Հասարակություն
06.12.2018 | 13:21
Երեկ հրապարակված գաղտնասլված ձայնագրության երկրոդ մասը, որը վերաբերում է ԱԱԾ տնօրեն Արթուր Վանեցյանի, ՀՀ վարչապետ Նիկոլ Փաշինյանի և ՀՔԾ պետ Սասուն Խաչատրյանի միջև տեղի ունեցած հեռախոսային խոսակցությանը, քննության առարկա է դառնալու արդեն իսկ հարուցված քրեական գործի շրջանակներում:
Այս մասին Factor.am-ի հետ զրույցում ասաց ՀՀ գլխավոր դատախազության մամուլի խոսնակ Արևիկ Խաչատրյանը։
Նշենք, որ գաղտնալսված ևս մեկ հեռախոսային խոսակցություն՝ Արթուր Վանեցյանի և Սասուն Խաչատրյանի միջև, հրապարակվել էր սեպտեմբեր ամսին։
Հիշեցնենք, որ վարչապետի պաշտոնակատար Նիկոլ Փաշինյանը գաղտնալսված հեռախոսային խոսակցությունից քիչ անց ֆեյսբուքյան ուղիղ եթերում անդրադարձել էր իր և ԱԱԾ տնօրեն Արթուր Վանեցյանի հեռախոսազրույցի գաղտալսման հրապարակմանը:
«Ինչո՞ւ է դա արվում, որովհետև կոռումպացած համակարգը տեսնում է, որ իր շուրջ օղակը սեղմվում է, որ այն, ինչ մենք խոստացել էինք, քայլ առ քայլ իրականություն է դառնալու խորհրդարանական ընտրություններից հետո, և որևէ մեկը չի պլստալու, և բոլոր կոռումպացվածներին մենք կանչելու ենք պատասխանատվության՝ ժողովրդի անունից և ժողովրդի մանդատով»,- նշել էր նա:
