27.09.2026 | 10:55
Լոռու, Արմավիրի և Կոտայքի 4 համայնքներում ՏԻՄ ընտրություններ են․ ժամը 08։00-ին բացվել են բոլոր 14 տեղամասերը․ ԿԸՀ
Հաագայում մահացել է ցեղասպանության համար դատապարտված բոսնիացի սերբ գեներալ Ռատկո Մլադիչը
Քաղաքականություն
27.08.2026 | 18:03
Հաագայում կալանավայրի հիվանդանոցում մահացել է Ռատկո Մլադիչը՝ Սերբական Հանրապետության բանակի նախկին հրամանատարը, որը դատապարտվել էր ցեղասպանության և ռազմական հանցագործությունների մեղադրանքով, հայտնում են սերբական լրատվամիջոցները։
Մլադիչը 83 տարեկան էր։
1992-1995 թվականների Բոսնիայի պատերազմի ժամանակ Մլադիչը երեք տարի հրամանատարել է սերբական բանակը, որը պաշարել էր Բոսնիա և Հերցեգովինայի մայրաքաղաք Սարաևոն։ Շուրջ 11,000 մարդ էր զոհվել, իսկ 1995 թվականի հուլիսին հինգ օրվա ընթացքում Սրեբրենիցայում սպանվել է 8,000 բոսնիացի՝ Երկրորդ համաշխարհային պատերազմից ի վեր Եվրոպայում տեղի ունեցած ամենամեծ կոտորածը։
2011 թվականի մայիսին Մլադիչը կալանավորվել էր Սերբիայում: 2017 թվականին Հաագայի դատարանը Մլադիչին դատապարտել էր ցմահ ազատազրկման՝ ցեղասպանության և մարդկության դեմ հանցագործությունների մեղադրանքով: Նա իրեն մեղավոր չի ճանաչել՝ նշելով, որ «միայն պաշտպանում էր իր ժողովրդին»:
Մլադիչը մի քանի կաթված է ստացել, և 2024 թվականից ի վեր հոսպիտալացվել էր Հաագայի նախնական կալանքի կենտրոնում, որտեղ ստանում էր պալիատիվ խնամք: Սերբիայում բուժման համար նրան ժամանակավորապես ազատ արձակելու միջնորդությունները բազմիցս մերժվել են:
Թարգմանությունը՝ Էմմա Չոբանյանի
