21.01.2026 | 16:42
Սիրիայի քրդերն ընդունել են հրադադարի բարելավված համաձայնագիրը
Թուրքիայում դաժանորեն սպանված սաուդցի լրագրողի գործով նոր անձինք կկալանավորվեն
Քաղաքականություն
05.12.2018 | 21:25
Ստամբուլի գլխավոր դատախազությունը Թուրքիայում սպանված սաուդցի լրագրող Ջեմալ Խաշոկջիի սպանության գործի շրջանակներում կալանավորման որոշում է կայացրել Սաուդյան Արաբիայի արքայազն Մուհամեդ Բին Սալմանի նախկին խորհրդականներ Ահմեդ Ասիրիի և Սաուդ Քահթանի նկատմամբ. փոխանցում է ermenihaber-ը:
Ահմեդ Ասիրին նախկինում զբաղեցրել է Սաուդյան Արաբիայի հետախուզության պետի տեղակալի պաշտոնը։ Թուրքական դատախազությունը հիմնավոր կասկածներ ունի, թե հենց այդ երկու մարդիկ են կազմակերպել Խաշոկջիի սպանությունը։
Սաուդյան Արաբիայի արքայազնի նախկին խորհրդականները այժմ գտնվում են Էլ- Րիյադում։
Հիշեցնենք, որ հոկտեմբերի 3-ին թուրքական մամուլում տեղեկություններ տարածվեցին այն մասին, որ Սաուդյան Արաբիայի վերաբերյալ քննադատական հոդվածներով հայտնի լրագրող, ամերիկյան «Washington Post» թերթի թղթակից Ջեմալ Քաշըքչըն մուտք է գործել Ստամբուլում Սաուդյան Արաբիայի հյուպատոսարանի շենք և այնտեղից դուրս չի եկել:
Սկզբում ենթադրվում էր, որ Քաշըքչըն ձերբակալված պահվում էր Ստամբուլում հյուպատոսարանի շենքում, սակայն օրեր անց արդեն սկսեց շրջանառվել վերջինիս սպանված լինելու վարկածը:
