04.11.2026 | 23:13
Ընդդիմադիրները հավաքվել են քննարկման Սամվել Կարապետյանի տանը. ՏԵՍԱՆՅՈՒԹ
«Լրագրողները շատ են հարցեր տալիս»․ Սամվել Կարապետյանը խնդրեց չմասնակցել դատական նիստերին
Քաղաքականություն
20.08.2026 | 17:51
«Ուժեղ Հայաստան» կուսակցության նախագահ Սամվել Կարապետյանի պաշտպանական կողմը միջնորդություն ներկայացրեց դատարան, որպեսզի վերջինս թույլատրի մեղադրյալին չմասնակցել նիստերին։
Փաստաբան Ռուբեն Հակոբյանը նշեց, որ դատարանը կարող է ճկունություն դրսևորել և այդ որոշումն ընդունել։ Կարապետյանը միացավ միջնորդությանը՝ նշելով․ «Շատ ուրախ կլինեմ, խնդրում եմ, լրագրողները շատ են հարցեր տալիս»։
Դատարանը, դատավոր Վահե Դոլմազյանի նախագահությամբ, մերժեց մեղադրյալի բացակայությամբ նիստերն անցկացնելու վերաբերյալ միջնորդությունը՝ նշելով, որ Կարապետյանն անազատության մեջ է։ Դատարանը գրություն կհասցեագրի նաև Պրոբացիայի ծառայությանը՝ Կարապետյանի՝ դատարան ուղեկցման հարցով։
Հիշեցնենք՝ Սամվել Կարապետյանի շուրջ իրավական գործընթացները սկսվեցին նախորդ տարվա հունիսին՝ նրա այն հայտարարությունից հետո, թե պատրաստ է Հայ Առաքելական եկեղեցին պաշտպանել «մեր ձևով»։ Դրանից հետո գործարարը մեղադրյալ դարձավ։ Նա շուրջ 7 ամիս պահվել է «Երևան-Կենտրոն» քրեակատարողական հիմնարկում, իսկ այժմ տնային կալանքի տակ է։ Կարապետյանին մեղադրանք է առաջադրվել ոչ միայն իշխանությունը զավթելու հրապարակային կոչերի, այլև փողերի լվացման հոդվածով։
Եվգենյա Համբարձումյան
