28.09.2026 | 20:26
Ֆրանսիայում Հռոմի պապը դատապարտել է սեռական բռնությունն ու հանդիպել հոգևորականների կողմից բռնության ենթարկված զոհերին
Դեմիրթաշի դատավճիռը չի բեկանվել, նա դատապարտվել է 4.8 տարի ազատազրկման
Քաղաքականություն
05.12.2018 | 16:40
Ստամբուլի ընդհանուր վճռաբեկ դատարանն անփոփոխ է թողել Թուրքիայի «Ժողովուրդների դեմոկրատական կուսակցության» նախկին համանախագահ Սելահաթթին Դեմիրթաշի նկատմամբ կայացված դատավճիռը. փոխանցում է ermenihaber-ը:
Դեմիրթաշի, նրա կուսակիցներ Օնդերի և Բալուքենի փաստաբանները Ստամբուլի ծանր հանցագործությունների դատարանի կայացրած վճիռները բողոքարկելու միջնորդություն էին ներկայացրել վճռաբեկ դատարան:
Ստամբուլի ծանր հանցագործությունների դատարանը «ահաբեկչական կազմակերպության օգտին քարոզչություն» անելու մեղադրանքով Դեմիթաշին դատապարտել էր ազատազրկման 4 տարի և 8 ամիս ժամկետով: Վճիռներ էր կայացրել նաև քրդամետ կուսակցության անդամներ Իդրիս Բալուքենի, Սիրրը Սուրեյա Օնդերի նկատմամբ։ Վերջիններս նույն մեղադրանքով դատապարտվել էին համապատասխանաբար 7 տարի 6 ամիս և 3 տարի 6 ամիս պատժաչափով բանտարկության։ Նրանց նկատմամբ կայացված վճիռնները ևս անփոփոխ մնացին:
Հիշեցնենք, որ շուրջ երկու տարի անազատության մեջ գտնվող Դեմիրթաշի նկատմամբ առաջադրված է նաև «հանցախումբ ստեղծելու» և «ահաբեկչական խմբավորմանը հարելու» մեղադրանքներ: Ավելի վաղ Ստամբուլի դատարանը մերժել էր Դեմիրթաշի կալանքը վերացնելու վերաբերյալ Մարդու իրավունքների Եվրոպական դատարանի (ՄԻԵԴ) պահանջը:
