20.08.2026 | 14:12
26 մլն դոլար, շուրջ 2 մլրդ ռուբլի, 2 մլն եվրո. ինչո՞ւ է Սամվել Կարապետյանն այս գումարը կանխիկ պահում․ ՏԵՍԱՆՅՈՒԹ
Ալեն Սիմոնյանին նշանակել են ԱԽՔ, եթե էդ որակն իրեն դուր է գալիս, թող աշխատի. Սամվել Կարապետյան․ ՏԵՍԱՆՅՈՒԹ
Քաղաքականություն
20.08.2026 | 13:16
«Փաշինյանը մեզ կհասցնի 10-րդ հանրապետություն նույնպես, դրա համար մենք պետք է չթողենք իրեն»,- լրագրողների հետ ճեպազրույցում հայտարարեց «Ուժեղ Հայաստան» կուսակցության առաջնորդ Սամվել Կարապետյանը՝ արձագանքելով Նիկոլ Փաշինյանի՝ «Չորրորդ հանրապետություն թևակոխելու» մասին հայտարարություններին։ Նրա խոսքով՝ հանրապետությունների նման համարակալումը լուրջ վտանգներ է պարունակում։
«Եթե մեր հողերը հանձնելով հռչակենք հանրապետություններ, կգանք կհասնենք Լոռվան։ Էնտեղ կանգնելու ենք»,- նշեց նա։
Անդրադառնալով իշխանափոխության հարցին և նախկինում հիշատակված «գաղտնի պլանին»՝ Կարապետյանն ընդգծեց, որ այլ քաղաքական ուժերի հետ հանդիպումների անհրաժեշտություն չկա․ «Մենք էլ ունենք գաղտնի պլան, Փաշինյանն էլ ունի գաղտնի պլան՝ իրեն հեռացնելու։ Արդյունքները, ինձ թվում է, շուտով կտեսնենք»։
Լրագրողի դիտարկմանը, թե Ալեն Սիմոնյանը առաջադրվել է Անվտանգության խորհրդի քարտուղարի պաշտոնում, այնինչ «գաղտնի պլանով» Սամվել Կարապետյանը «հեռացրել էր» նրան, վերջինն այսպես արձագանքեց․ «Հետ չի եկել, իրեն նշանակել են ԱԽՔ։ Հիմա եթե էդ որակը իրեն դուր է գալիս, թող աշխատի»։
Մանարամասները՝ տեսանյութում։
Եվգենյա Համբարձումյան
