02.11.2026 | 10:00
Նիկոլ Փաշինյանն ԱԺ-ում մասնակցում է 2027 թվականի բյուջեի նախնական քննարկումներին. ՈՒՂԻՂ
ՀՀ-ն թևակոխում է իր պատմության այն փուլը, որն անվանում ենք Չորրորդ հանրապետություն․ Փաշինյան․ ՏԵՍԱՆՅՈՒԹ
Քաղաքականություն
20.08.2026 | 12:00
Հայաստանի Հանրապետությունը թևակոխում է զարգացման նոր փուլ, որն անվանվում է Չորրորդ հանրապետություն։ Այս մասին Կառավարության նիստի ընթացքում հայտարարեց վարչապետ Նիկոլ Փաշինյանը՝ ներկայացնելով Կառավարության 2026-2031 թվականների գործունեության ծրագրի նախագիծը։
Վարչապետի խոսքով՝ 2026 թվականի խորհրդարանական ընտրությունների արդյունքներով ամրագրվել է «Իրական Հայաստանի» հայեցակարգի հաղթանակը, որն այսօր դարձել է Հայաստանի պաշտոնական պետական գաղափարախոսությունը։
Փաշինյանը ներկայացրեց նաև Երրորդ և Չորրորդ հանրապետությունների հայեցակարգային հիմնական տարբերությունները․ «Երրորդ հանրապետությունը ստեղծվել և հիմնադրվել է առաջին իսկ օրից կոնֆլիկտի և հակամարտության տրամաբանությամբ, որի նպատակը պատմական արդարության վերականգնումն էր, և որից էլ բխել էր Ղարաբաղյան շարժումը։ Չորրորդ հանրապետությունը ձևավորվում է բացառապես խաղաղության տրամաբանությամբ և պետության բուն ֆունկցիոնալ նշանակության վերաիմաստավորմամբ»։
Կառավարության նոր ծրագիրը առաջիկայում կներկայացվի և մանրամասն կքննարկվի Ազգային ժողովի լիագումար նիստում։
Մանրամասները՝ տեսանյութում։
Անի Թամրազյան
