06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
«Վահագն Ալեքսանյանը ամեն ելույթից հետո խոսում ա, պրիտոմ` սադրիչ». Դավիթ Ղազինյան․ ՏԵՍԱՆՅՈՒԹ
Քաղաքականություն
19.08.2026 | 16:25
«Ուժեղ Հայաստան» խմբակցության պատգամավոր Դավիթ Ղազինյանն ԱԺ-ում տեղի ունեցած միջադեպից հետո լրագրողների հետ զրույցում հայտարարեց, որ նիստը նախագահող ԱԺ փոխնախագահ Վահագն Ալեքսանյանը ընդդիմադիր պատգամավորների ելույթներից հետո պարբերաբար մեկնաբանություններ է անում, ինչը, նրա գնահատմամբ, հակասում է ԱԺ կանոնակարգին։
«Յուրաքանչյուր խոսակցությունից հետո, ով ուզում է խոսա, հիմնականում մեր ընդդիմադիր ֆրակցիաները, սարքել են իրենց դուքյանը արդեն իսկականից, կներեք բառամթերքիս համար։ Ընդամենը ասում եմ՝ քոմենթ մի արեք։ Ամեն խոսքից հետո էս մարդիկ որոշել են՝ իրենք պիտի մի հատ ելույթ ունենան»,- ասաց Ղազինյանը։
Նրա խոսքով՝ ինքը փորձել է զգուշացնել Ալեքսանյանին, որ յուրաքանչյուր ելույթից հետո մեկնաբանություններ չանի, սակայն խոսակցությունը վերածվել է վիճաբանության։
«Ամեն խոսքից հետո խոսում է։ ԱԺ կանոնակարգ օրենքում չկա այդպիսի հասկացություն։ Հատուկ զսպեցի, ասեցի, հորդորեցինք՝ ամեն խոսքից հետո քոմենթ ու պրիտոմ սադրիչ։ Դե, ժողովուրդ ջան, էդքան էլ նորմալ չի էլի, կներեք»,- նշեց պատգամավորը։
Հիշեցնենք, որ միջադեպի ընթացքում Վահագն Ալեքսանյանը կարգադրել էր անվտանգության աշխատակիցներին Դավիթ Ղազինյանին դուրս հրավիրել նիստերի դահլիճից։ Սակայն, ինչպես նշել է Ղազինյանը, ինքը դահլիճից ինքնակամ է դուրս եկել։
Մանրամասները՝ տեսանյութում։
