18.08.2026 | 11:45
Բեն Լադենին պատրաստվո՞ւմ եք «արդար» անվանել, «անմեղ նահատակ»․ ԱԺ-ում իրավիճակը լարվեց․ ՏԵՍԱՆՅՈՒԹ
Էրդողանը Դոնալդ Թրամփի հետ ԱՄՆ-Իրան հակամարտությունն է քննարկել
Քաղաքականություն
18.08.2026 | 10:44
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել ԱՄՆ նախագահ Դոնալդ Թրամփի հետ։ Ըստ Թուրքիայի նախագահի հաղորդակցության վարչության՝ կողմերը քննարկել են երկու երկրների հարաբերությունները, ինչպես նաև տարածաշրջանային և համաշխարհային հարցեր, փոխանցում է Anadolu գործակալությունը։
Էրդողանն ընդգծել է Իրանի և ԱՄՆ-ի միջև լարվածությունը կարգավորելու համար դիվանագիտությունը հնարավորինս արդյունավետ օգտագործելու կարևորությունը։ Նա բանակցությունների շարունակության հույս է հայտնել՝ նշելով, որ Թուրքիան կշարունակի աջակցել խաղաղության ջանքերին։
Թուրքիայի նախագահը նաև նշել է, որ Պակիստանի և Սաուդյան Արաբիայի հետ համատեղ պաշտպանական համաձայնագիրը ստորագրելով՝ Անկարան ցուցադրել է իր վճռական դիրքորոշումը տարածաշրջանային կայունության և անվտանգության ապահովման հարցում։
Անդրադառնալով Գազային՝ Էրդողանը նշել է, որ նպատակը Գազայի խաղաղության գործընթացի երկրորդ փուլին անցնելն է, մինչդեռ պաղեստինցիների դեմ Իսրայելի գործողությունները սրվում են։ Նա ընդգծել է՝ Թուրքիան կշարունակի աջակցել տարածաշրջանում երկարատև խաղաղության հաստատմանը և Գազայի հատվածի վերականգնմանն ուղղված քայլերին։
