17.08.2026 | 14:58
«Պրեմիում» ապրանքանիշի մոխիտոյի արտադրությունը կասեցվել է․ նմուշը չի համապատասխանել նորմերին
36 տարեկանում մահացել է դերասանուհի Հեյդեն Պանետիերը
Քաղաքականություն
17.08.2026 | 13:00
36 տարեկանում մահացել է ամերիկացի դերասանուհի Հեյդեն Պանետիերը, հաղորդում է ABC News-ը՝ հղում անելով նրա ընտանիքի հայտարարությանը: Մահվան պատճառը չի հրապարակվել։
Հեյդեն Պանետիերը կինոյում և հեռուստատեսությունում կարիերան սկսել է 5 տարեկանում՝ նկարահանվելով «Մեկ կյանք ապրելու համար» և «Առաջնորդող լույս» սերիալներում: Նա առավել մեծ ճանաչում է ձեռք բերել «Հերոսներ» և «Նեշվիլ» սերիալներում դերերով: Դերասանուհին նաև նկարահանվել է «Հիշելով տիտաններին», «Նորաոճ մայրիկը», «Ճիչ 4» և այլ ֆիլմերում:
Պանետիերը երկու անգամ առաջադրվել է «Ոսկե գլոբուսի»՝ «Նեշվիլ» ֆիլմում իր դերի համար։
2009-ից 2018 թվականներին Հեյդեն Պանետիերը հանդիպել է ուկրաինացի բռնցքամարտիկ Վլադիմիր Կլիչկոյի հետ։ 2014 թվականին նրանք դուստր են ունեցել՝ Կայա Եվդոկիան։ Ըստ Variety-ի՝ զույգի բաժանումից հետո երեխայի խնամակալությունը փոխանցվել է Կլիչկոյին՝ թմրանյութերից Պանետիերի կախվածության և հետծննդյան դեպրեսիայի պատճառով։
2026 թվականի մայիսին Պանետիերը հրապարակել է հուշագրություն, որում նա պատմել է «հետծննդյան դեպրեսիայի, թմրանյութերից կախվածության և վերականգնման, տրավմաների, ընտանեկան բռնության և կորուստների մասին»։
