04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
ԱՄՆ-ն Իրանին սպառնացել է տնտեսական ճնշման ուժգնացմամբ
Քաղաքականություն
14.08.2026 | 19:00
Հորմուզի նեղուցով տարանցումը ուրբաթ գրեթե կանգ է առել՝ այն բանից հետո, երբ ևս երկու նավ է հարձակման ենթարկվել։ Միացյալ Նահանգները հայտարարել է, որ կարող է անորոշ ժամանակով պահպանել Իրանի ծովային շրջափակումը, գրում է Reuters-ը։
Իրանական բարձրաստիճան աղբյուրը չորեքշաբթի հայտարարել է, որ պատերազմը դադարեցնելու հունիսյան համաձայնագրի շուրջ բանակցություններում առաջընթաց չի գրանցվել։ Քանի որ հրադադարը երկարաձգվել է, ապա խափանվել, Իրանը վերսկսել է հարձակումներն այն նավերի վրա, որոնք փորձում են նեղուցով անցնել առանց իր թույլտվության։
Հինգշաբթի երեկոյան նեղուցով տարանցիկ ճանապարհով անցնելիս հարձակման է ենթարկվել Աբու Դաբիի պետական ազգային նավթային ընկերության երկու նավ, հաղորդել է ԱՄԷ-ի պետական WAM լրատվական գործակալությունը։ Երկրի կառավարությունը մեղադրել է Իրանին։
Մինչ այդ, ԱՄՆ խոստանում է նոր միջոցառումներ ձեռնարկել Իրանի դեմ առաջիկա շաբաթվա ընթացքում։ Պատերազմի նախարար Փիթ Հեգսեթը լրագրողներին ասել է, որ ԱՄՆ զինված ուժերը կարող են պահպանել ռազմածովային ներկայությունը տարածաշրջանում՝ Իրանի նկատմամբ պատասխան շրջափակում կիրառելու համար, որը, ըստ ամերիկյան կողմի, լուրջ տնտեսական վնաս է հասցրել երկրին։
Ֆինանսների նախարար Սքոթ Բեսենթն էլ հայտնել է Իրանի նկատմամբ տնտեսական ճնշումն ուժեղացնելու մասին։ Ըստ նրա՝ այդ մասին կհայտարարվի հաջորդ շաբաթ։
