04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
Ես չեմ կարա վստահեմ Ադրբեջանի նախագահին․ Նարեկ Կարապետյան. ՏԵՍԱՆՅՈՒԹ
Քաղաքականություն
13.08.2026 | 19:21
Ազգային ժողովում «Ուժեղ Հայաստան» խմբակցության ղեկավար Նարեկ Կարապետյանն անդրադարձավ TRIPP նախագծին՝ նշելով, որ թեև ԱՄՆ ներգրավվածությունը որոշակի «զսպաշապիկ» է Ադրբեջանի համար, սակայն այն չի պարունակում ուղիղ երաշխիքներ։ Նա առանձնակի մտահոգություն հայտնեց նախագծի աշխարհագրական դիրքի վերաբերյալ։
«Իրանի սահմանից 20 մետր հեռավորության վրա շատ բարդ է ունենալ երկարաժամկետ խաղաղ միջավայր՝ հաշվի առնելով… ամերիկա-իրանական հարաբերությունների սրությունը»,- հայտարարեց Կարապետյանը։
Նա պարզաբանեց, թե ինչու է ընդդիմությունը հետևողականորեն օգտագործում միայն «ճանապարհ» եզրույթը։ Նրա պնդմամբ՝ սա ռազմավարական նշանակություն ունի ապագա բանակցությունների համար։
«Ես այսօր ասում եմ՝ դա ճանապարհ է, որպեսզի վաղը իրենց հետ բանակցելու ժամանակ ինձ չասեն՝ բա ասում էիք միջանցք է»,- շեշտեց պատգամավորը՝ հավելելով, որ պետք է ամեն ինչ անել հայկական իրավական վերահսկողությունը պահպանելու համար։
Խոսելով տարածաշրջանային հարևանների մասին՝ պատգամավորը կոչ արեց իշխանություններին չփորձել համոզել ժողովրդին, թե Ադրբեջանին կարելի է վստահել․ «Մենք չենք վստահելու Ադրբեջանի նախագահին։ Ես չեմ կարող վստահել, դուք չեք վստահում իրեն… մեզ երաշխիքներ են պետք»։
Մանրամասները՝ տեսանյութում։
Եվգենյա Համբարձումյան
