20.03.2026 | 23:39
Կիևը Մերձավոր Արևելք ռազմական խմբեր է ուղարկել՝ ԱԹՍ-ներ որսալու համար
Գագիկ Ծառուկյանի թիկնազորի պետը գտնվում է Նապոլեոն Ազիզյանի տանը (տեսանյութ) newsbook.am
03.05.2017 | 16:36
NewsBook-ի տեղեկություններով` «Ծառուկյան» դաշինքով ներկայացված պատգամավորի թեկնածու Նապոլեոն Ազիզյանի` Կիլիկիա թաղամասում գտնվող առանձնատանն է գտնվում Գագիկ Ծառուկյանի թիկնազորի պետ Էդուարդ Բաբայանը:
Ըստ էության, Բաբայանի` Նապոլեոն Ազիզյանի տուն այցելելու նպատակն է Գագիկ Ծառուկյանի անունից հորդորել, որպեսզի Ազիզյանը, այնուամենայնիվ, մտքափոխվի և չվերցնի օրենքով իրեն հասանելիք պատգամավորի մանդատը:
Նշենք, որ Էդուարդ Բաբայանին դիմավորել և Ազիզյանի տուն է ուղեկցել ԱԺ գործող պատգամավոր Աբրահամ Մանուկյանը: Ի դեպ, երեկվա ԿԸՀ ներկայացված ինքնաբացարկի ցուցակում ընդգրկված է նաև Աբրահամ Մանուկյանի որդին` Արթուր Մանուկյանը:
Հիշեցնենք, որ «Ծառուկյան» դաշինքի ընտրված թեկնածու Նապոլեոն Ազիզյանն այսօր ասել էր, որ թույլ չի տալու, որ իր կամքին հակառակ իրեն զրկեն ժողովրդի քվեով ստացած մանդատից ու դիմում էր ներկայացրել ԿԸՀ:
«Եթե Գագիկ Ծառուկյանը կուզենա հաշվեհարդար տեսնի, թող տեսնի, ո՞նց եք մտածում, ես ի՞նչ ասեմ իմ բոլոր ընկերներին, ծանոթներին, ամբողջ աշխարհը ինձ շնորհավորել ա, ի՞նչ անեմ, պիտի թողնեմ հեռանամ էս քաղաքից»,- ասել էր Ազիզյանը:
