14.01.2026 | 23:22
Հրդեհ է բռնկվել Աշտարակի ձորում գտնվող ռեստորանային համալիրի տաղավարներից մեկում
Եթե Ծառուկյանը կուզենա հաշվեհարդար տեսնի, թող տեսնի. ես այսօր դիմում եմ գրելու և ստանալու եմ մանդատս. Նապոլեոն Ազիզյան. NEWS.am
Քաղաքականություն
03.05.2017 | 13:26
«Ծառուկյան» դաշինքի ընտրված թեկնածու Նապոլեոն Ազիզյանը թույլ չի տալու, որ իր կամքին հակառակ իրեն զրկեն ժողովրդի քվեով ստացած մանդատից: NEWS.am-ի հետ զրույցում պատգամավորը վստահեցրեց, որ այսօր դիմում է ներկայացնելու Կենտրոնական ընտրական հանձնաժողով և հրաժարվելու է իր անունից ներկայացրած ինքնաբացարկի դիմումից:
Նապոլեոն Ազիզյանը օրենքով սահմանված կարգով կպայքարի իր մանդատի համար, սակայն չի լքի Ծառուկյանի գլխավորած «Բարգավաճ Հայաստան» կուսակցությունը, որտեղ էլ իր կամքին հակառակ որոշել էին, որ մանդատին արժանի չէ:
«Խոսել եմ Տիգրան Մուկուչյանի հետ և ասել, որ ես ոչ մի ինքնաբացարկի դիմում չեմ ներկայացրել ու ասել, որ ես իրականում չէի կարող ապրիլի 2-ին ինքնաբացարկի դիմում ներկայացնել, որովհետև ես առողջական խնդիրներ ունեի և պառկած էի: Մուկուչյանն ասեց, որ ովքեր ինքնաբացարկի դիմում են գրել, օրենքով սահմանված կարգով դիմում գրենք ու կվերանայեն: Իհարկե, այսօր ես դիմում եմ գրելու, որ ստանամ մանդատս»,- ասաց Նապոլեոն Ազիզյանը:
Թե ինչ հետևանքներ կարող է ունենալ Ծառուկյանի կամքին հակառակ մանդատ ստանալու պայքարը, Նապոլեոն Ազիզյանին չի հուզում: Մեր հարցին՝ մտավախություն չունի՞, որ Գագիկ Ծառուկյանը հաշվեհարդար կտեսնի իր հետ, նա պատասխանեց. «Նման բան չեմ լսել, բայց եթե կուզենա հաշվեհարդար տեսնի, թող տեսնի, ո՞նց եք մտածում, ես ի՞նչ ասեմ իմ բոլոր ընկերներին, ծանոթներին, ամբողջ աշխարհը ինձ շնորհավորել ա, ի՞նչ անեմ, պիտի թողնեմ հեռանամ էս քաղաքից»:
Շարունակությունը՝ սկզբնաղբյուր կայքում:
