27.09.2026 | 14:38
Համաշխարհային օլիմպիադա. Հայաստանի հավաքակաները հաղթեցին վերջին տուրում
Ո՛չ տուշոնկա կար, ո՛չ կաթ կար վերջնական վճռի մեջ,ձեր սիրելի Մացոյի օրինական վճիռը կարդացեք․ Մանուկյան. ՏԵՍԱՆՅՈՒԹ
Քաղաքականություն
11.08.2026 | 18:24
Ազգային ժողովի «Հայաստան» խմբակցության պատգամավոր Մեսրոպ Մանուկյանը խորհրդարանի ամբիոնից ունեցած իր ելույթում պատասխանել է Արման Եղոյանի ելույթին՝ կապված Մանվել Գրիգորյանի վերաբերյալ հայտարարությունների։ Մանուկյանը խոսքով՝ իշխանական թիմը չունի Մանվել Գրիգորյանի անունը շահարկելու բարոյական իրավունք։
«Մանվել Գրիգորյանն իր արածի ու ավելի շատ չարածի համար հատուցել է իր կյանքի գնով, այն կյանքի, որի մահվան մեջ մեղավոր եք դուք, և դա արձանագրել է ՄԻԵԴ-ը։ Եվրոդատարանն արձանագրել է Մանվել Գրիգորյանի կյանքի իրավունքի խախտում և առաջարկել, որ կառավարությունն իր ընտանիքի հետ հաշտության գնա»,- ասաց Մանուկյանը։
Անդրադառնալով Գագիկ Ծառուկյանի դստեր մասնակցությամբ Քննչական կոմիտեի տարածած տեսանյութին՝ Մեսրոպ Մանուկյանն այն որակել է որպես ստորություն և անձնական կյանքի անթույլատրելի միջամտություն։
«Խայտառակություն է մտնել մարդու անձնական կյանքի դաշտ, ինչ-որ բաներ տարածել, որը վերջում պարզվի սուտ է, բայց մարդկանց ընկալման մեջ այդպես մնա։ Քննչական կոմիտեի նախագահը դրանից հետո պետք է դիմում գրեր ու հեռանար։ Չի կարելի ուղղակի, կա բարոյականության սահման, որը չպետք է խախտվի»,- նշեց պատգամավորը։
Մանրամասները՝ տեսանյութում։
Անի Թամրազյան
