09.08.2026 | 12:56
Սևանա լճում ջրափրկարարները նկատել են շրջված ջրային մոտոցիկլետ․ ՆԳՆ
Իսպանիան սահմանային վերահսկողություն է սահմանել Իտալիայից ժամանողների նկատմամբ
Քաղաքականություն
08.08.2026 | 13:39
Իսպանիան օգոստոսի 8-ի գիշերից սահմանային վերահսկողություն է սահմանել Իտալիայից օդային և ծովային ճանապարհով ժամանող ուղևորների նկատմամբ։ Ստուգումները, որոնք ներառում են անձնագրերի և վիզաների ստուգում, կգործեն մինչև սեպտեմբերի 7-ը։
Սահմանային վերահսկողությունը տարածվում է ինչպես Իտալիայի քաղաքացիների, այնպես էլ Իտալիայից Իսպանիա մուտք գործող այլ երկրների քաղաքացիների վրա, ընդ որում՝ ստուգումները կլինեն ընտրովի։
Իսպանիայի որոշումը հաջորդել է Իտալիայի կողմից մեկ շաբաթ առաջ սահմանված նմանատիպ միջոցներին։ Հռոմը սահմանային վերահսկողություն էր սահմանել Իսպանիայից ժամանող երրորդ երկրների քաղաքացիների նկատմամբ՝ դա պայմանավորելով Սեուտա իսպանական անկլավում ապօրինի միգրանտների մեծ հոսքով։
Իտալիան հայտարարել է, որ չի պատրաստվում չեղարկել սահմանային վերահսկողությունը և այն կպահպանի առնվազն մինչև օգոստոսի 15-ը։
