05.09.2026 | 11:03
Վթարային ջրանջատում 3 մարզերում
Կենտրոն վարչական շրջանում հայտնաբերվել է ապօրինի վճարովի ավտոկայանատեղի կազմակերպելու 12 դեպք
Հասարակություն
07.08.2026 | 22:13
Երևանի քաղաքապետարանի և ՆԳՆ ոստիկանության գվարդիայի համատեղ ստուգումների ընթացքում Կենտրոն վարչական շրջանում հայտնաբերվել է առանց իրավական հիմքերի վճարովի ավտոկայանատեղի կազմակերպելու 12 դեպք։ Խախտումների վերաբերյալ կազմվել են վարչական արձանագրություններ, իսկ տնտեսվարողները նախազգուշացվել են նաև լռության կանոնների խախտման դեպքում նախատեսված իրավական հետևանքների մասին։ Այս մասին տեղեկացնում են քաղաքապետարանից։
«Օգոստոսի 6-ին Երևան քաղաքի Կենտրոն վարչական շրջանի վարչական տարածքում ոչ սահմանված տեղերում օրենսդրությամբ սահմանված պահանջների խախտմամբ ծառայություն մատուցելու` վճարովի ավտոկայանատեղի կազմակերպման, ինչպես նաև Երևան քաղաքի ավագանու հ.175-Ն որոշմամբ սահմանված լռության կանոնները տնտեսվարողների կողմից պարտադիր պահպանելու նպատակով, Երևանի քաղաքապետարանի աշխատակազմի հասարակական կարգի պահպանության ծառայության և Ներքին գործերի նախարարության ոստիկանության գվարդիայի համապատասխան աշխատակիցների կողմից կազմակերպված համատեղ միջոցառումների արդյունքում հայտնաբերվել են օրենսդրությամբ սահմանված պահանջների խախտմամբ ծառայություն մատուցելու, մասնավորապես`
-
- առանց իրավական հիմքերի վճարովի ավտոկայանատեղի կազմակերպելու թվով 12 դեպք, որոնց վերաբերյալ վարչական իրավախախտումների վերաբերյալ ՀՀ օրենսգրքի 162-րդ հոդվածի համաձայն կազմվել են համապատասխան արձանագրություններ:
- Իսկ լռության կանոնների պահպանման համար տնտեսվարողները նախազգուշացվել են հաստատված կանոնները խախտելու դեպքում առաջացող իրավական հետևանքների մասին:
