05.08.2026 | 20:10
Բուլղարիայի ԱԳՆ-ն շնորհավորել է Արարատ Միրզոյանին
«Իմ երեխաների ճակատին դաջված է այն մյուռոնը, որն օրհնել է Վեհափառը․ հասկանո՞ւմ եք՝ ինչ եք անում ինձ հետ, նրան անարգում եք իմ ներկայությամբ»․ Էդգար Ղազարյան. ՏԵՍԱՆՅՈՒԹ
Քաղաքականություն
05.08.2026 | 18:25
Ազգային ժողովի նիստում «Ուժեղ Հայաստան» դաշինքի անդամ Էդգար Ղազարյանը հիշեցրել է, որ իր և ԱԺ նախագահ Ռուբեն Ռուբինյանի հայրերը՝ Ֆերդինանդ Ղազարյանն ու Կարապետ Ռուբինյանը, եղել են առաջին գումարման Գերագույն խորհրդի պատգամավորներ և Անկախության հռչակագիրն ընդունողներից։ Նա ափսոսանք է հայտնել, որ Ռուբեն Ռուբինյանը չի ժառանգել իր հոր մարդկային որակները։
«Շատ եմ ցավում, որ նրա զավակը… մարդկային բարձր արժանիքները, որոնք կրում է իր հայրը, ցավոք սրտի, ցույց չի տալիս իր հասակակիցների հետ հարաբերություններում»,- նշել է պատգամավորը։
Նմանատիպ համեմատություն է արվել նաև Արման Եղոյանի և նրա հոր՝ Աշոտ Եղոյանի միջև։
Ղազարյանը դատապարտել է հոգևորականներին ավազանի անունով դիմելը և Քրիստոսի կամ սրբերի անվան հետ կապված ծաղրական պատմությունները։
«Իմ երեխաների… ճակատին դաջված է այն մյուռոնը, որը օրհնել է Վեհափառ Հայրապետը։ Հասկանո՞ւմ եք դուք ինչ եք անում ինձ հետ… երբ որ դուք նրանց մյուռոնն օրհնած հոգևորականին՝ Վեհափառին անարգում եք իմ ներկայությամբ»,- հարցրել է պատգամավորը։
Մանրամասները՝ տեսանյութում։
Եվգենյա Համբարձումյան
