05.09.2026 | 11:44
Երեք երիտասարդ ձերբակալվել է․ նրանց մոտ ինքնաձիգ, ատրճանակ և դանակներ են հայտնաբերվել
Ադրբեջանն արգելել է 16 տարեկանից փոքր երեխաներին գրանցվել սոցցանցերում
Քաղաքականություն
05.08.2026 | 20:49
Ադրբեջանում սահմանվել են թվային հարթակներում ֆիզիկական անձանց գրանցման նոր պահանջները: Համապատասխան փոփոխություններ են կատարվել «Տեղեկատվության, տեղեկատվականացման և տեղեկատվության պաշտպանության մասին» օրենքում, որը ուժի մեջ մտնելը նախատեսվում է երկրի նախագահ Իլհամ Ալիևի հրամանագրով, գրում են ադրբեջանական լրատվամիջոցները։
Նոր կանոնակարգերի համաձայն՝ 16 տարեկանից փոքր անձանց արգելվում է անձնական թվային հաշիվներ ստեղծել սոցիալական ցանցերում։
Տարիքը ստուգելու համար ծառայություն մատուցողները պարտավոր են օգտագործել այնպիսի մեթոդներ, ինչպիսիք են տարիքի հայտարարումը, էլեկտրոնային փոստի հասցեն, բջջային հեռախոսահամարը և բանկային քարտի ստուգումը։ 16-ից 18 տարեկան օգտատերերը կարող են գրանցվել միայն իրենց օրինական խնամակալի համաձայնությամբ։
Օրենքը նաև պահանջում է, որ հարթակները ծնողներին կամ օրինական խնամակալներին տրամադրեն գործիքներ՝ սոցիալական ցանցերում անցկացրած ժամանակը, տեղադրված բովանդակությունը և անչափահասների հաշիվներում գովազդը վերահսկելու համար։
Ավելին, ծառայություն մատուցողները պետք է պարբերաբար ստուգեն օգտատերերի տարիքի իսկությունը։ Տարիքային խախտումներ հայտնաբերելու դեպքում հաշվին մուտքը պետք է անհապաղ սահմանափակվի։
Օրենքն արգելում է հարթակներին պահպանել կամ օգտագործել տարիքի ստուգման ընթացքում հավաքված անձնական տվյալները առևտրային նպատակներով կամ նպատակային գովազդի համար։ Նման տվյալները պետք է անմիջապես ջնջվեն ստուգումից հետո։
Ծառայություն մատուցողները պարտավոր են նաև ներդնել մեխանիզմներ անչափահասների կյանքին, առողջությանը, արժանապատվությանը և իրավունքներին սպառնացող վնասակար բովանդակության արագ հայտնաբերման և հեռացման համար: Նման բովանդակությանը արձագանքման ժամանակը չպետք է գերազանցի 24 ժամը՝ հայտնաբերման պահից սկսած։
Օրենքն ուժի մեջ կմտնի պաշտոնական հրապարակումից 12 ամիս անց: Այս ընթացքում հարթակները պետք է ներդնեն անհրաժեշտ տեխնիկական լուծումները և տեղեկացնեն լիազորված պետական մարմնին: Օրենքի ուժի մեջ մտնելուց հետո ծառայությունները պարտավոր կլինեն սահմանափակել 16 տարեկանից փոքր օգտատերերի հաշիվներին մուտքը և ջնջել դրանք, եթե նրանց տարիքը չի հաստատվել:
Բացի այդ, Ադրբեջանում նոր տուգանքներ են սահմանվել սոցիալական ցանցերի տարիքային սահմանափակումների կանոնակարգերը խախտելու համար։
Թարգմանությունը՝ Էմմա Չոբանյանի
