30.10.2026 | 21:23
Բաքուն կաջակցի ԱՄԷ-ին, ոչ թե Թուրքիային․ Ալիևի հերթական հակաթուրքական քայլն ու ուղերձը Անկարային
ԱՄՆ-ը կրկնապատկել է TRIPP+ հիմնադրամի միջոցները․ բյուջեն հասել է 402 մլն դոլարի
Քաղաքականություն
05.08.2026 | 14:20
ԱՄՆ ավելացրել է TRIPP+ ձեռնարկատիրական հիմնադրամի միջոցների ծավալը։ Բյուջեն 201 միլիոն դոլարից հասել է 402 միլիոնի, տեղեկանում ենք ԱՄՆ կառավարության պաշտոնական ծախսերի տվյալների բազայից։
Որպես TRIPP+-ի իրականացման երկիր այստեղ նշված է Հայաստանը։
Նշենք, որ TRIPP+ հիմնադրամը ստեղծվել է 2026 թվականի հունվարի 26-ին՝ Հայաստանի ԱԳ նախարար Արարատ Միրզոյանի ու ԱՄՆ պետքարտուղար Մարկո Ռուբիոյի վաշինգտոնյան հանդիպումից երկու շաբաթ անց:
Հունիսին հայտնի էր դարձել, որ Հայաստանի ԱԳ նախարար Արարատ Միրզոյանն ու ԱՄՆ պետքարտուղար Մարկո Ռուբիոն հեռավար ստորագրել են «Թրամփի ուղի՝ հանուն միջազգային խաղաղության և բարգավաճման» նախագծի (TRIPP) վերաբերյալ ռազմավարական համագործակցության մասին շրջանակային համաձայնագիրը։
Այս համաձայնագիրը նախաստորագրվել էր մայիսի 26-ին՝ Մարկո Ռուբիոյի Հայաստան այցի ընթացքում։
Հավելենք, որ ավելի վաղ Ռուսաստանում ծնված և ԱՄՆ-ում բնակվող գործարար Կոնստանտին Սոկոլովը նշանակվել էր TRIPP+ հիմնադրամի ղեկավար։
Թարգմանությունը՝ Էմմա Չոբանյանի
