12.10.2026 | 23:18
Գազամատակարարման դադարեցումներ՝ Հայաստանի մի շարք հասցեներում
Իսրայելը Լիբանանի հետ սահմանին գործողություն է սկսել
Քաղաքականություն
04.12.2018 | 13:41
Իսրայելական զինվորականները Լիբանանի հետ սահմանին «Հյուսիսային վահան» գործողությունն են սկսել: Նպատակը «Հըզբալլահ» շարժման զինյալների ներթափանցման անդրսահմանային ուղիները ոչնչացնելն է: Gazeta.ru-ի փոխանցմամբ՝ այս մասին հաղորդվում է Իսրայելի բանակի Twitter-ի էջում:
Իսրայելի պաշտպանական բանակի պաշտոնական ներկայացուցիչ Յոնաթան Կոնրիկուսը նշել է «ավելի քան մեկ» ստորգետնյա անցման մասին: Գործողության տևողության և մասշտաբների մասին ոչինչ չի հաղորդվում: Միաժամանակ, նշվում է, որ թունելները դեռևս չեն շահագործվում և անմիջական վտանգ չեն ներկայացուցնում իսրայելցիների համար:
Իսրայելցի սպան վստահեցրել է, որ գործողությունն իրականացվելու է բացառապես Իսրայելի կողմից վերահսկվող տարածքում՝ ներառյալ Գոլանյան բարձունքների հյուսիսային հատվածը:
Նշենք, որ Թել Ավիվի և Բեյրութի միջև դիմակայությունը սկիզբ է առել հրեական պետության հիմնադրումից ի վեր: 1950-60-ական թվականներին լիբանանյան քաղաքական գործիչները արաբա-իսրայելական հակամարտությունում չեզոքություն էին պահպանում, սակայն 1960-ականների կեսերից ակտիվացան Լիբանանի տարածքում թաքնված պաղեստինցի պարտիզանների հարձակումները: Սա էլ պատասխան հարվածների և հարաբերությունների սրման պատճառ դարձավ:
Իսրայելի և Լիբանանի միջև դիվանագիտական հարաբերություններ չկան: Իսրայելական օրենսդրությամբ՝ Լիբանանը «թշնամի պետություն» է համարվում:
