Վճարովի բովանդակություն
Հազարավոր գաղափարներ, բազմաթիվ մասնակիցներ՝ մեկ վայրում։ Seaside Startup Summit-ն այս տարի ևս համախմբել էր նորարար լուծումներ փնտրող ստարտափերներին և արդեն իսկ կայացած խոշոր բիզնեսի ներկայացուցիչներին։
Իդրամի ու IDBank-ի մենթորները սկսնակ ստարտափերների կողքին են՝ օգնելու հեշտությամբ հաղթահարել զարգացման բարդ ճանապարհը, տալու հուզող հարցերի պատասխաններն ու գտնելու նորարար լուծումներ ստարտափների աճի համար։
Իդրամի և IDBank-ի առանցքային գործընկերների և թվային վճարումների նախագծերի բաժնի ղեկավար Ալբերտ Թունյանը, ՓՄՁ ներգրավման բաժնի ղեկավար Աղվան Աբրահամյանը և կորպորատիվ բիզնես գործընթացների և թիմի զարգացման ղեկավար Հայկ Մուրադյանը վստահ են, որ բազմաթիվ հետաքրքիր գաղափարներ որոշ ժամանակ անց մուտք կգործեն հայաստանյան շուկա։
«Կարևոր է սիրահարվել ոչ միայն սեփական նորարարություններին, այլև հատուկ ուշադրություն դարձնել հաճախորդների գոհունակությանը։ Հաճախ հիմնադիրներն այնքան են տարվում պրոդուկտի ստեղծմամբ, որ վաճառքները մղվում են երկրորդ պլան։ Ուրախալի է փաստել, որ այսօր ստարտափներն ավելի մեծ ուշադրություն են դարձնում վաճառքներին, ինչն էլ հենց հաջողության գլխավոր գրավականն է»,- նշեցին ընկերությունների ներկայացուցիչները։
Seaside Startup Summit-ի շրջանակում IDBank-ի թվային բանկինգի տնօրեն և վարչության անդամ Սերգեյ Առաքելյանը ներգրավված էր ժյուրիի կազմում․ նա անձամբ լսել ու գնահատել է ավելի քան 10 ստարտափների ելույթները։
Անդրադառնալով միջոցառմանն ու ներկայացված գաղափարներին՝ Սերգեյ Առաքելյանը փաստեց, որ Seaside Startup Summit-ին մասնակցությունը IDBank-ի համար լավագույն հնարավորությունն է՝ ծանոթանալու նորագույն ստարտափներին։
«Հատկանշական է Սամմիթի ձևաչափը, որը մեկտեղում է ամենատարբեր ոլորտներ ներկայացնող նախագծեր։ Առանձնահատուկ ուրախալի է տեսնել ֆինանսական ոլորտին առնչվող լուծումներ, որոնք հիմնված են արհեստական բանականության և ժամանակակից տեխնոլոգիական միտումների վրա»,- ասաց Սերգեյ Առաքելյանը։
ԱՅԴԻ ԲԱՆԿ ԵՎ ԻԴՐԱՄ ԸՆԿԵՐՈՒԹՅՈՒՆՆԵՐԸ ՎԵՐԱՀՍԿՎՈՒՄ ԵՆ ՀՀ ԿԲ ԿՈՂՄԻՑ
