27.09.2026 | 17:39
Բիլ Գեյթսը զգուշացրել է, որ արհեստական բանականության պատճառով կարող է մինչև մեկ միլիարդ մարդ մահանալ
Ազատ ոճի ըմբշամարտի Հայաստանի Մ-17 հավաքականը չի կարողացել մեդալ նվաճել ԱԱ-ում
03.08.2026 | 10:53
Բաքվում կայացած ազատ ոճի ըմբշամարտի աշխարհի մինչև 17 տարեկանների առաջնությունում Հայաստանի վերջին ներկայացուցիչ Վարուժան Ասլանյանը (71 կգ) նույնպես ավարտել է ելույթներն առանց մեդալի։
Սփոփիչ գոտեմարտում հայ ըմբիշը 4:6 հաշվով պարտվել է բելառուս Վիտալի Հարձեին ու դուրս մնացել պայքարից։ Բելառուս ըմբիշն էլ բրոնզե մեդալը վիճարկել է Ռուսաստանի ներկայացուցիչ Մոխմադ Բաիսուլտանովի հետ ու պարտություն կրել 0:10 հաշվով:
Ազատ ոճի ըմբշամարտի Հայաստանի Մ-17 հավաքականն ԱԱ-ին մասնակցեց 6 ըմբիշով ու չկարողացավ մեդալ նվաճել: Լավագույն արդյունքը գրանցեց Դավիթ Բալեյանը (55 կգ), որը պարտվել էր բրոնզե մեդալի համար գոտեմարտում ու գրավել 5-րդ տեղը:
60 կգ քաշային կարգում արծաթե մեդալակիր է դարձել Ռուսաստանը ներկայացնող Սերգեյ Կարմրյանը, որը եզրափակիչում պարտվել է հնդիկ մրցակցի:
Հիշեցնենք, որ հունահռոմեական ոճի ըմբշամարտի Հայաստանի Մ-17 հավաքականն աշխարհի առաջնությանը մասնակցել էր 10 ըմբիշով ու նվաճել 1 ոսկե և 2 բրոնզե մեդալ: Ջանես Նազարյանը (71 կգ) նվաճել էր աշխարհի Մ-17 չեմպիոնի կոչումը, իսկ Արարատ Ավետիսյանը (48 կգ) և Գևորգ Հարությունյանը (51 կգ) դարձել էին բրոնզե մեդալակիր:
