Քաղաքականություն
02.08.2026 | 18:23Ազգային ժողովի իններորդ գումարման անդրանիկ նիստի ավարտին «Քաղաքացիական պայմանագիր» խմբակցության պատգամավոր Մարիա Կարապետյանը նշել է, որ Գեղամ Մանուկյանին Սահմանադրական դատարանի որոշումը կամայականորեն մեջբերելու մեջ։ Ըստ պատգամավորի՝ Մանուկյանը որպես դատարանի փաստ է ներկայացրել դիմող կողմի (ընդդիմության) դիրքորոշումը, որը զետեղված է որոշման առաջին 120 էջերում։ Անդրադառնալով Արամ Վարդևանյանի «սոցիալական կաշառքի» մասին պնդումներին՝ Կարապետյանը պարզաբանել է, որ ՍԴ-ն տվել է ընդհանուր «հովանոցային» ձևակերպումներ և ֆորմուլաներ։ Նա շեշտել է, որ կենսաթոշակների բարձրացումը բխել է իրենց նախընտրական ծրագրից, և ՍԴ-ն որևէ կոնկրետ սուբյեկտի չի մեղադրել կաշառք տալու մեջ։
Ելույթի վերջին հատվածը վերաբերում էր «Ուժեղ Հայաստան» խմբակցության պատգամավոր Գառնիկ Դավթյանին։ Մարիա Կարապետյանը հիշեցրել է, որ 2014 թվականին ինքն է եղել այն երիտասարդական ծրագրի կազմակերպիչը, որի շրջանակներում Դավթյանը մեկնել է Վրաստան և շփվել ադրբեջանցի երիտասարդների հետ։ Պատգամավորը սա հակադրել է ընդդիմության այն հռետորաբանությանը, որով փորձում են թիրախավորել իշխանական գործիչներին թուրքերի կամ ադրբեջանցիների հետ շփումների համար։
«Մեկ այլ առիթով կշարունակենք այս բացահայտումները»,- եզրափակել է Կարապետյանը։
Հիշեցնենք՝ ԱԺ անդրանիկ առաջին նիստի ընթացքում Գառնիկ Դավթյանն է եղել ԱԺ նախագահի թեկնածու Ռուբեն Ռուբինյանին առաջի հարցը տվող պատգամավորը։ Վերջինս Ռուբինյանից հետաքրքրվել էր․ «Թուրքիայում սովորելու ժամանակ ազգությամբ թուրքերի հետ շփվե՞լ եք, թե ոչ»։
Մանրամասները՝ տեսանյութում։
