Քաղաքականություն
02.08.2026 | 17:22Ազգային ժողովի անդրանիկ նիստի ժամանակ «Քաղաքացիական պայմանագիր» խմբակցության պատգամավոր Նարեկ Գրիգորյանը անդրադարձել է խորհրդարանական էթիկային, ընտրությունների լեգիտիմությանը և նախկինում տեղի ունեցած ընտրակեղծիքներին:
Պատգամավորը համաձայնություն է հայտնել Ռուբեն Ռուբինյանի հետ՝ հորդորելով ընդդիմադիր գործընկերներին զերծ մնալ վիրավորանքներից: Գրիգորյանը շեշտել է, որ չնայած իրենց թիմն էլ կարող է վիրավորել, սակայն ընտրում են զսպվածության ճանապարհը, քանի որ քաղաքացիները չեն ցանկանում խորհրդարանում տեսնել հայհոյանքներ և կռիվներ: Նա կոչ է արել Ազգային ժողովը դարձնել այնպիսի հարթակ, որը քաղաքացիները հաճույքով կդիտեն:
Անդրադառնալով Գեղամ Մանուկյանի պնդմանը, թե խորհրդարանը լեգիտիմ չէ, Նարեկ Գրիգորյանը հակադարձել է, որ Մանուկյանը, լինելով այդ նույն խորհրդարանի պատգամավոր, փաստացի կասկածի տակ է դնում սեփական լեգիտիմությունը:
«Ընտրակաշառք բաժանողն էլ, ընտրություն կեղծողն էլ շանտղություն է»,- նա հորդորել է ընդդիմադիրներին նույնպես միանալ այս գնահատականին և կենտրոնանալ ժողովրդի խնդիրների լուծման վրա, այլ ոչ թե հինգ տարի շարունակ նույն բովանդակազուրկ խոսույթը կրկնել։
Մանրամասները՝ տեսանյութում։
