ՌԴ-ն խնդիր է տեսնում, որ ՀՀ-ն այլ պետությունների հետ ռազմավարական փաստաթղթեր է ստորագրել. Փաշինյան․ ՏԵՍԱՆՅՈՒԹ

«Ես Հայաստան-Ռուսաստան հարաբերությունների պատասխանատուն եմ։ Ես հայ-ռուսական հարաբերությունների պատասխանատուն չեմ, որովհետև հայ-ռուսական հարաբերությունները ուրիշ բան են։ Մենք տեսնում ենք, որ հայ-ռուսական հարաբերությունները տեղ-տեղ, այսինքն՝ ուրիշ բովանդակություն ունեն»,-կառավարության նիստից հետո լրագրողների հետ զրույցում նշեց վարչապետ Նիկոլ Փաշինյանը։

«Ինչ վերաբերում է քաղաքական բաղադրիչին․ պրոբլեմը հետևյալի մեջ է․ Հայաստանը որոշել է ունենալ այլընտրանքներ։ Մինչև այս Հայաստանը չի ունեցել այլընտրանքներ ոչ միայն տնտեսական, այլ նաև քաղքական առումով։ Ի՞նչ է տեղի ունեցել, ի՞նչն է պրոբլեմը։ Պրոբլեմը հետևյալի մեջ է․ Հայաստանը ռազմավարական հարաբերությունների փաստաթուղթ է ստորագրել Չինաստանի հետ, Հայաստանը ռազմավարական հարաբերությունների փաստաթուղթ է ստորագրել Միացյալ Նահանգների հետ, Հայաստանը ռազմավարական հարաբերությունների փաստաթուղթ է ստորագրել Մեծ Բրիտանիայի հետ, Հոլանդիայի հետ, Ֆրանսիայի հետ և այլն, և բազմաթիվ այլ պետությունների հետ։ Իսկ նախկինում Հայաստանը ռազմավարական հարաբերություններ չուներ կամ չէր կարող ունենալ այսքան գործընկերների հետ։ Պրոբլեմը այդտեղ է։

Ես չեմ կարող Ռուսաստանի զգացմունքների մասին ասել, ես կարող եմ ասել, որ Ռուսաստանը խնդիր է տեսնում այդտեղ, և այդտեղ էլ էլի էքսկլյուզիվության բաղադրիչ կա։ Խնդիրը հետևյալն է՝ կամ էքսկլյուզիվ են հարաբերությունները, կամ հարաբերություններ չպետք է լինեն։ Մենք չենք ընդունում այդ մոտեցումը։ Մենք ասում ենք՝ հարաբերությունները էքսկլյուզիվ չեն, բայց հարաբերություններ պետք է լինեն, և սա լեգիտիմ դիրքորոշում է։ Սրա մասին է խոսքը»,-ասաց նա։

Մանրամասները՝ տեսանյութում։

Եվգենյա Համբարձումյան