29.07.2026 | 21:14
Ջանես Նազարյանի պատվին Բաքվում հնչել է ՀՀ պետական օրհներգը
Զելենսկին հայտնել է, որ Ղրիմի հարցը դեռևս խաղաղության բանակցությունների մաս չի կազմում
Քաղաքականություն
29.07.2026 | 20:28
Ուկրաինայի նախագահ Վլադիմիր Զելենսկին հայտարարել է, որ Ղրիմը Կիևի վերահսկողությանը վերադարձնելու հարցը դեռևս խաղաղության բանակցությունների մաս չի կազմում, սակայն նշել է, որ այս դիրքորոշումը կարող է փոխվել։
Fox News-ին տված հարցազրույցում անդրադառնալով հարցին՝ արդյո՞ք Ղրիմը վերադարձել է բանակցությունների օրակարգ, Զելենսկին պատասխանել է. «Ցավոք՝ ոչ։ Կամ՝ դեռ ոչ։ Բայց կտեսնենք»։
Զելենսկին այս հայտարարությունն արել է Վաշինգտոնում ԱՄՆ նախագահ Դոնալդ Թրամփի և սենատորների հետ բանակցություններից հետո: Ամերիկյան լրատվամիջոցները հայտնել էին, որ այս ուղևորության ընթացքում Զելենսկին, կարծես, համոզել է Վաշինգտոնին, որ Ուկրաինան կարող է հաղթել պատերազմում։
Ավելի վաղ Վլադիմիր Զելենսկին բազմիցս հստակեցրել էր, որ չնայած Ուկրաինան իրավաբանորեն չի ճանաչում Ղրիմի բռնակցումը Ռուսաստանի կողմից, դրա փաստացի վերադարձի հարցը Կիևի վերահսկողությանը կարող է լուծվել միայն դիվանագիտության միջոցով և միայն պատերազմից հետո:
Մասնավորապես, 2024 թվականին Ուկրաինայի նախագահը հայտարարել էր. «Մենք հասկանում ենք, որ դեռևս ուժ չունենք՝ Պուտինին ուժով վերադարձնելու 1991 թվականի գծին»:
Թարգմանությունը՝ Էմմա Չոբանյանի
