11.08.2026 | 14:29
Արթուր Ղարիբյանն արժանացել է բարձր գնահատականի ու ընդգրկվել տուրի խորհրդանշական հավաքականում. ԼՈՒՍԱՆԿԱՐ
Չէի ասի՝ Գլխավոր դատախազի հակափաստարկները համոզիչ են, բայց երևում է՝ մանրակրկիտ աշխատել է. Հայկ Ալումյան. ՏԵՍԱՆՅՈՒԹ
Հասարակություն
03.12.2018 | 16:47
Չէի ասի՝ Գլխավոր դատախազի հակափաստարկները համոզիչ են, բայց երևում է՝ մանրակրկիտ աշխատել է։ Այս մասին այսօր Ռ. Քոչարյանի գործով դատական նիստի ընդմիջման ժամանակ լրագրողների հետ զրույցում ասաց Քոչարյանի պաշտպաններից Հայկ Ալումյանը։
Մեր դիտարկմանը, որ Քոչարյանը մեղադրվում է ամենածանր մեղադրանքի՝ սահմանադրական կարգի տապալման համար, ինչպես կարող է նա անձեռնմխելի լինել, Ալումյանը հակադարձեց, թե ավելի ծանր մեղադրանքներ կան, օրինակ՝ սպանությունը։
Ալումյանը հայտնեց, որ իրենց մյուս բողոքը՝ նոր երևան եկած հանգամանքների մասով, թողնվել է առանց քննության։
Խոսքը վերաբերում է ԱԱԾ տնօրենի և ՀՔԾ պետի խոսակցության գաղտնալսումով ներկայացված բողոքին։
Ըստ պաշտպանի՝ դատարանը գտել է, որ այդ հանգամանքները պետք է քննարկվեն որպես ոչ թե նոր երևան եկած հանգամանք, այլ դատարանը որոշեց այդ նույն հանգամանքները քննության առնել։
«Այսինքն՝ այն քննարկվելու է մյուս երկու բողոքների շրջանակներում։ Գլխավոր դատախազ Արթուր Դավթյանը գտել է, որ այդ հանգամանքը ոչ մի կապ չունի քննարկվող հարցի հետ»,- ասաց պաշտպանը։
Նշենք, որ ընդմիջումից հետո 17:10-ին, երբ վերսկսվի դատական նիստը Դատախազությունը կշարունակի ներկայացնել առարկություններ, որից հետո միայն հնարավորություն կտրվի Քոչարյանի պաշտպաններին ներկայացնել միջնորդություններ։
Մանրամասները՝ տեսանյութում։
