06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Մ-17 ԱԱ. Ըմբիշ Արարատ Ավետիսյանը բրոնզե մեդալ նվաճեց Բաքվում. ՏԵՍԱՆՅՈՒԹ
28.07.2026 | 18:15
Բաքվում անցկացվող հունահռոմեական ոճի ըմբշամարտի աշխարհի մինչև 17 տարեկանների առաջնությունում Հայաստանի առաջին մեդալը նվաճեց Արարատ Ավետիսյանը (48 կգ):
Հայ ըմբիշը բրոնզե մեդալը վիճարկեց հունգարացի Բենեդեկ Տոմբորի հետ ու 8:0 հաշվով հաղթանակի հասավ ժամկետից շուտ:
Արարատ Ավետիսյանը պայքարը սկսել էր հուլիսի 27-ին և մեքսիկացի (14։7) ու ուզբեկ (9։3) մրցակիցներին հաղթելուց հետո կիսաեզրափակիչում 1:4 հաշվով պարտվել էր ղազախ Ալի Ալմասին:
Քիչ անց բրոնզե մեդալի համար գոտեմարտ կանցկացնի նաև Վազգեն Մնացականյանը (65 կգ), որի մրցակիցը կլինի հունգարացի Իմրե Յուհանցը:
Հուլիսի 28-ին պայքարի մեջ մտած հայ ըմբիշներից Ջանես Նազարյանը (71 կգ) տարել է չորս վստահ հաղթանակ ու դուրս եկել եզրափակիչ, իսկ Վազգեն Վարդանյանը (45 կգ) և Գևորգ Հարությունյանը (51կգ) հնարավորություն են ստացել պայքարել բրոնզե մեդալի համար և կանցկացնեն սփոփիչ գոտեմարտ:
