27.10.2026 | 11:15
Պատերազմի մեկնարկից ի վեր առաջին անգամ Ռուսաստանն իրավունք է ստացել օլիմպիական մարզաձևի աշխարհի առաջնություն հյուրընկալել
Մ-17 ԱԱ. Ջանես Նազարյանը դուրս եկավ եզրափակիչ. ՏԵՍԱՆՅՈՒԹ
28.07.2026 | 17:58
Հայաստանի ներկայացուցիչ Ջանես Նազարյանը (71 կգ) նվաճեց Բաքվում ընթացող հունահռոմեական ոճի ըմբշամարտի աշխարհի մինչև 17 տարեկանների առաջնության եզրափակիչի ուղեգիր:
Կիսաեզրափակիչում հայ ըմբիշը մրցեց բուլղարացի Կրիստիան Կրաստևի հետ ու հաղթեց ժամկետից շուտ՝ 8:0: Հուլիսի 29-ին Նազարյանը եզրափակիչում կմրցի Ռուսաստանը Ներկայացնող Ասլան Ձուևի հետ:
Ջանես Նազարյանը պայքարը սկսել էր որակավորման փուլից ու հաղթել նորվեգացի (8:0), թուրք (9:0) և հունգարացի (9:0) մրցակիցների:
Հուլիսի 28-ին պայքարի մեջ մտած Վազգեն Վարդանյանը (45 կգ), Գևորգ Հարությունյանը (51 կգ), Արտուշ Պետրոսյանը (60 կգ) և Ալեքսան Շալջյանը (92 կգ) պարտություն են կրել: Վարդանյանը և Հարությունյանը հնարավորություն են ստացել պայքարել բրոնզե մեդալի համար և կանցկացնեն սփոփիչ գոտեմարտ:
Արարատ Ավետիսյանը (48 կգ) և Վազգեն Մնացականյանը (65 կգ) նախօրեին պարտվել էին կիսաեզրափակիչում ու բրոնզե մեդալի համար գոտեմարտ կանցկացնեն հուլիսի 28-ին: Ավետիսյանի մրցակիցը կլինի հունգարացի Բենեդեկ Տոմբորը, իսկ Մնացականյանն ուժերը կչափի Հունգարիայի մեկ այլ ներկայացուցիչ Իմրե Յուհանցի հետ:
