Ընտրությունների մասնակցելու համար ՀՀ ժամանած քանի քաղաքացի է ստացել վարժական հավաքների ներկայանալու ծանուցագրեր

ՀՀ պաշտպանության նախարարությունը չի բացահայտում, թե 2026 թվականի հունիսի 7-ի ընտրությունների կապակցությամբ Հայաստան ժամանած քանի՞ քաղաքացու է հանձնվել վարժական հավաքների ներկայանալու մասին ծանուցագիր։

Factor.am-ի հարցմանն ի պատասխան ՊՆ-ից նշել են վարժական հավաքների կազմակերպման իրականացման օրենսդրական կարգավորումները․ «Վարժական հավաքների կազմակերպումն իրականացվում է իրավախախտումների վերաբերյալ «Ռիսկերի գնահատման ծառայության և զինծառայողի կարգավիճակի մասին» ՀՀ օրենքի 58-րդ և 59-րդ հոդվածների, ինչպես նաև «Պաշտպանության պատրաստության շրջանակներում իրականացվող միջոցառումների կազմակերպման կարգը սահմանելու մասին» ՀՀ կառավարության 2018 թվականի հոկտեմբերի 18-ի թիվ 1174-Ն որոշման պահանջների համաձայն»։

Ըստ ՊՆ-ի՝ հավաքներին սահմանված կարգով ներգրավվում են նաև արտերկրում բնակվող ՀՀ քաղաքացիները, եթե վարչական հաշվառման նախապատրաստական և անձնակազմի ճշգրտման ժամանակահատվածում գտնվում են Հայաստանում։

«Մայիսի 1-ից հուլիսի 7-ն ընկած ժամանակահատվածում այլ երկրի անձնագրով Հայաստանի Հանրապետություն ժամանած և վարչական հաշվառման նպատակներով վերոհիշյալ ժամկետում ժամանած անձինք վարչական պատասխանատվության չեն ենթարկվում»,- հավելել են նախարարությունից։

Հունիսի 7-ից առաջ, հիշեցնենք, «Ֆեյսբուք»-ում և «Տելեգրամ»-ում տասնյակ գրառումներ եղան պաշտպանության նախարարությանն ուղղված մեղադրանքներով, որ ընտրություններին ընդառաջ Հայաստան ժամանողներին վարժական հավաքների ներգրավելու ծանուցումներ են տալիս՝ վարժական հավաքներին տանելն, ըստ էության, կիրառելով որպես պատիժ։ ՊՆ-ն հայտարարել էր, որ ռազմական ոստիկանությունը օդանավակայանում իրականացնում է ծառայություն, այդ թվում՝ պահեստազորային պատրաստության միջոցառումներին ներգրավելու նպատակով։

Գայանե Խաչատրյան