27.09.2026 | 22:23
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
Գյումրիի տեղեկատվական տեխնոլոգիաների կենտրոնին հողամաս կօտարվի ուղղակի վաճառքով. Խուդաթյան․ ՏԵՍԱՆՅՈՒԹ
Տնտեսություն
23.07.2026 | 13:06
Կառավարությունը հավանություն տվեց Շիրակի մարզի Ախուրյան համայնքի Մարմաշեն բնակավայրում գտնվող 0.52 հեկտար հողամասը ուղղակի վաճառքով օտարել «Գյումրիի տեղեկատվական տեխնոլոգիաների կենտրոն» գիտակրթական հիմնադրամին։
ՏԿԵ նախարար Դավիթ Խուդաթյանի խոսքով՝ հիմնադրամը մինչև 2028 թվականի վերջը շուրջ 100 միլիոն դրամի ներդրմամբ կստեղծի կանաչ տեխնոլոգիաների հաբ, որը կներառի կրթական կենտրոն և ժամանակակից սարքավորումներով, այդ թվում՝ դրոններով հագեցած վեց տեխնոլոգիական կացարան։
Ծրագրի շրջանակում Ախուրյանի և հարակից համայնքների, հատկապես գյուղական բնակավայրերի կանայք ու երիտասարդները անվճար կմասնակցեն տեխնոլոգիական կրթական ծրագրերին։
Նախատեսվում է նաև ստեղծել հինգ նոր ստարտափ, իսկ մասնակիցների տեղափոխումը կրթական կենտրոն կապահովվի տրանսպորտով։
Մանրամասները` տեսանյութում:
