15.08.2026 | 18:17
Վահան Կոստանյանն ու Օլեքսանդր Մերեժկոն քննարկել են Հայաստան-Ուկրաինա համագործակցության ակտիվացումը
Հայ հրաձիգները ոսկե, արծաթե ու բրոնզե մեդալներ են նվաճել ԱԱ-ի առաջին օրը
22.07.2026 | 10:10
Հայ հրաձիգները փայլուն մեկնարկ են գրանցել Էստոնիայի մայրաքաղաք Տալինում անցկացվող հրաձգության աշխարհի առաջնությունում։
Հայկ Մինասյանը տղամարդկանց շարժվող թիրախ, խառը վազք մրցաձևում դարձել է աշխարհի չեմպիոն՝ նվաճելով հայկական հրաձգության պատմության մեջ առաջին ոսկե մեդալը մեծահասակների աշխարհի առաջնությունում։
Նույն մրցաձևի կանանց աշխարհի երիտասարդական առաջնության չեմպիոնի կոչումը նվաճել է Աիդա Ազատյանը։
Թիմային պայքարում Աիդա Ազատյանը, Անահիտ Սարգսյանը և Լիլիթ Մկրտչյանը զբաղեցրել են երկրորդ տեղը։
Շարժվող թիրախ խառը վազք մրցաձևի կանանց թիմային պայքարում Լիլիթ Մկրտչյանը, Արուսյակ Գրիգորյանը և Մարի Ղազարյանը Հայաստանի հավաքականի կազմում արժանացել բրոնզե մեդալի։
Նույն մրցաձևի երիտասարդական պայքարում բրոնզե մեդալակիր են դարձել նաև Համլետ Կարենյանը, Մանվել Միրզոյանը և Գոռ Մարտիրոսյանը։
