21.07.2026 | 19:33
ՌԴ-ում կասեցված հայկական սերտիֆիկատների հարցով Էկոնոմիկայի նախարարությունը պարզաբանում է տվել
Ռուս դիվանագետը Հնդկաստանի ԱԳՆ-ն է կանչվել՝ հրթիռային հարվածի հետևանքով 4 նավաստիների մահվան համար
Քաղաքականություն
21.07.2026 | 15:31
Հնդկաստանը կանչել է երկրում Ռուսաստանի գործերի ժամանակավոր հավատարմատար Վլադիմիր Լադանովին և «խորը մտահոգություն» հայտնել հուլիսի 19-ին նավահանգստից Սև ծով մեկնող բեռնատար նավի վրա հրթիռային հարվածի կապակցությամբ, որի հետևանքով չորս հնդիկներ են զոհվել, գրում է Reuters-ը, որին վկայակոչում է BBC-ի ռուսական ծառայությունը։
Ավելի վաղ Ուկրաինայի իշխանությունները հայտարարել էին, որ Ռուսաստանը կիրակի երեք թևավոր հրթիռ է արձակել Գվինեա-Բիսաուի դրոշի ներքո նավարկող «Golden Leo» նավի վրա, որը տեղափոխում էր հնդկական և սիրիական անձնակազմերի։ Հարձակման հետևանքով զոհվել են անձնակազմի ինը անդամներ, այդ թվում՝ Հնդկաստանի քաղաքացիներ։ Նավը հարձակման է ենթարկվել Օդեսայից եգիպտացորենի բեռով դուրս գալու ժամանակ։ Այս մասին հայտնել էր Օդեսայի տարածաշրջանային ռազմական վարչակազմի ղեկավար Օլեգ Կիպերը։
Հնդկաստանի արտաքին գործերի նախարարությունը հայտարարել է, որ առևտրային նավերի թիրախավորումը և դրա հետևանքով քաղաքացիական անձանց կորուստն «անընդունելի» է, գրում է Reuters-ը։
«Նման հարձակումները խաթարում են միջազգային ծովային առևտրի անվտանգությունը, պաշտպանվածությունը և կայունությունը»,- ասվում է դրանում։
Ռուսաստանը չի մեկնաբանել նավին հարվածը։
Թարգմանությունը՝ Էմմա Չոբանյանի
