15.08.2026 | 15:27
Փաշինյանը ծանոթացել է Կիևյան կամրջի հիմնանորոգման աշխատանքներին
Մեսին հայտարարել է Արգենտինայի հավաքականում կարիերան ավարտելու մասին․ աղբյուր
21.07.2026 | 11:30
Արգենտինայի հավաքականի ավագ Լիոնել Մեսին որոշել է ավարտել կարիերան ազգային թիմում։ Այդ մասին սոցցանցերում հայտնել է լրագրող Էրնան Կաստիլիոն։
ԱՄՆ-ում, Կանադայում և Մեքսիկայում ավարտված ֆուտբոլի աշխարհի առաջնության եզրափակիչում իսպանացիներից կրած պարտությանից հետո ամերիկյան «Ինտեր Մայամիի» 39-ամյա հարձակվողը հուզիչ ելույթ է ունեցել հանդերձարանում ու հայտնել, որ դա իր վերջին հանդիպումն էր հավաքականում։
Լիոնել Մեսին 2005 թվականին է նորամուտը նշել Արգենտինայի հավաքականում, որի կազմում անցկացրել է 207 հանդիպում, դարձել 125 գոլի ու 68 գոլային փոխանցման հեղինակ։ Ազգային թիմի հետ «Ոսկե գնդակի» 8-ակի դափնեկիրը դարձել է աշխարհի չեմպիոն (2022), Ամերիկայի կրկնակի գավաթակիր (2021, 2024) ու Ֆինալիսիմայի հաղթող (2022)։
ԱԱ-2026-ում Մեսին դարձել էր 8 գոլի հեղինակ ու երկրորդ տեղը գրավել ռմբարկուների ցուցակում՝ 2 գոլ զիջելով Ֆրանսիայի հավաքականի ու Մադրիդի «Ռեալի» հարձակվող Կիլիան Մբապեին։
