27.09.2026 | 22:23
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
Կրեմլը ողջունում է ԱԳ նախարարների մակարդակով ՌԴ-ԱՄՆ շփումների գաղափարը
Քաղաքականություն
20.07.2026 | 17:09
Կրեմլը վերջին օրերին ԱՄՆ ներկայացուցիչների հետ շփում չի ունեցել, սակայն կողջունի երկու երկրների դիվանագիտական առաքելությունների ղեկավարների միջև հնարավոր շփումները։ Այս մասին ասել է Ռուսաստանի նախագահի մամուլի քարտուղար Դմիտրի Պեսկովը։
«Ոչ, վերջին օրերին մեր միջև որևէ շփում չի եղել»,- ասել է նա լրագրողներին։
Մեկնաբանելով ԱՄՆ պետքարտուղար Մարկո Ռուբիոյի՝ Ռուսաստանի արտաքին գործերի նախարար Սերգեյ Լավրովի հետ հնարավոր հանդիպման մասին խոսքերը՝ Պեսկովը նշել է. «Արտգործնախարարության, դիվանագիտական գերատեսչությունների գծով, իհարկե, շփումները հիմնականում տեխնիկական են, բայց եթե շփում լինի արտաքին գործերի նախարարների մակարդակով, մենք դա միայն կողջունենք»։
Ավելի վաղ ԱՄՆ պետքարտուղար Մարկո Ռուբիոն այս շաբաթ Ֆիլիպիններում կայանալիք ԱՍԵԱՆ-ի միջոցառումների շրջանակներում Ռուսաստանի արտաքին գործերի նախարար Սերգեյ Լավրովի և Չինաստանի արտաքին գործերի նախարար Վան Իի հետ հանդիպման պատրաստակամություն էր հայտնել։
«Մենք բաց կլինենք նրանց հետ հանդիպման համար»,- Մանիլա մեկնելուց առաջ լրագրողներին ասել էր Ռուբիոն։
ՌԴ ԱԳ նախարար Սերգեյ Լավրովը նույնպես հուլիսի 21-23-ը կայցելի Ֆիլիպիններ՝ մասնակցելու ԱՍԵԱՆ-ի միջոցառումներին։
Թարգմանությունը՝ Էմմա Չոբանյանի
